මහ බැංකුවේ කාර්යභාරය ස්වාධීනව කරගෙන යාමට රජයේ පූර්ණ සහය ලබාදෙන බව ජනාධිපති ගෝඨාභය රාජපක්ෂ මහතා පවසා තිබේ.
ඒ, අද (28) ජනාධිපතිවරයා සහ මහා බැංකු අධිපතිපතිවරයා ඇතුළු මූල්‍ය මණ්ඩලයේ සාමාජිකයින් අතර ජනාධිපති මන්දිරයේදී පැවති සාකච්ජාවේදීය.
ආර්ථික ක්ෂේත්‍රයේ ප්‍රවීණයන්ගේ සහයද ඇතිව ජාත්‍යන්තර මූල්‍ය අරමුදල,ලෝක බැංකුව ඇතුළු මූල්‍ය ආයතන සමඟ සාකච්ජා කරමින් මෙරට ආර්ථිකය යළි ගොඩනැගීම වෙනුවෙන් ගෙන යන වැඩපිළිවෙල සාර්ථක ප්‍රගතියක් අත්කරගෙන තිබෙන බවයි මෙහිදී මහ බැංකු අධිපතිවරයා පෙන්වා දී ඇත්තේ.
මහ බැංකු අධිපතිවරයා ලෙස කටයුතු ආරම්භ කළ කෙටි කාලය තුළ මූල්‍ය අර්බුදය පාලනයට,එය යහපත් අතට ගැනීමටත් මහා බැංකු අධිපතිවරයා ලෙස නන්දලාල් වීරසිංහ මහතා ගත් ක්‍රියා මාර්ග මෙහිදී ජනාධිපතිවරයා පැසසුමට ලක්කර තිබේ.
මේ අතර උද්ධමනය පාලනයට සහ ආර්ථිකයේ ශක්තිමත්භාවය වෙනුවෙන් ගෙන තිබෙන ක්‍රියාමර්ග ගැනද මෙහිදී ජනාධිපතිවරයා දැනුවත් කිරීමට මහ බැංකු අධිපතිවරයා කටයුතු කර ඇත.
ASK
