මැයි 09 වෙනිදා ගෝල්ෆේස් අරගල භූමියට එල්ල කළ ප්‍රහාරය සම්බන්ධයෙන් හිටපු අමාත්‍ය ජොන්ස්ටන් ප්‍රනාන්දු මහතාට එරෙහි නඩුව අද (22) පස්වරු 02.00 ට කොටුව මහේස්ත්‍රාත් අධිකරණය හමුවේ කැඳවීමට නියමිතව තිබේ.
තමන්ව අත් අඩංගුවට ගැනීම වළක්වාලන ලෙස ඉල්ලමින් ඒ මහතා ගොනුකර තිබුණු පෙත්සම ප්‍රතික්ෂේප කිරීමට අභියාචනාධිකරණය ඊයේ නියෝග කර තිබිණි.
ඒ අනුව අද නඩු වාරයේදී ජොන්ස්ටන් ප්‍රනාන්දු මහතාව රක්ෂිත බන්ධනාගාරගත කිරීමට කටයුතු කෙරෙනු ඇති බවයි නීති ක්ෂේත්‍රයේ ආරංචිමාර්ග පවසන්නේ.
මැයි 09 වෙනිදා සිදුවීම් සම්බන්ධයෙන් සාමාන්‍ය ජනතාව 2800 දෙනෙකුට අධික ප්‍රමාණයක් අත් අඩංගුවට ගෙන තිබියදී දේශපාලන ප්‍රබලයකු වන ජොන්ස්ටන් ප්‍රනාන්දු මහතා සම්බන්ධයෙන් රටේ නීතිය ක්‍රියාත්මක කරන ආයතන මෙතෙක් කටයුතු කළ ලිහිල් ආකාරය පිළිබඳව රටේ ජනතාව අතර දැඩි විරෝධයක් සහ මහජන අප්‍රසාදයක් ද පළවී ඇත.
RN
