පොරෝනාව මෑත් කර
කම්මැලිකමේ අහස බලනකොට
උදෑසන
බීරළු අස්සෙන්
පෙනෙන්නට තිබ්බෙ බීරමක්
අද දවස අඳුරු දවසක් බව
කාලගුණෙනුත් කියනවා ඇසුණා
තාවකාලිකව වුවත් අපි සමුගත්තේ
අපේ මුහුණුවල රැඳුණු අන්ධකාරේ
අද දවසටත් වඩා බීරමක්
ඔබට මතකද එය
අපි නිතර මුණ ගැහුණු .
අවන්හල් එලෙසම ප්‍රමෝදයෙන්
ඇවිළෙනවා ඇති
සේවා සපයන්නෝ සමහරවිට
ව්‍යාජ සිනාවෙන් මුව සරසාන
අවුළුපත් බෙදනු ඇති
ඉර හැංගෙන්න පෙර අහස් තලේ
වළාකුළු පෙනුණේ
සිගරැට් දුම් වගේ
බැරි වුණා අපට ඇවිදින්න
පාලු වෙරළත දිගේ
හිතේ බීරමක් එල්ලාගෙන
ඇවිදිනවා තනිව සිහිකරමින් ඔබව මම
වෙරළෙන් ඈත දුරක ඉන්නා
බීරම අස්සේ බලු බිරුම් පවා
ගණනකට නෑ මට
ඔබේ ඇස් කෙවෙණි අග දිලිහුණ
කඳුළ සිහි වෙනවා මට
කාලය ශූන්‍ය වී එකම තැන කැරකෙන්න
අපි පැතූ හැටි සිහිකරමින්
යා නොහැකි වූ වෙරළත
තනිව ඇවිදිනවා මම
~ සඳුන් ප්‍රියංකර විතානගේ
