රෂිකා හෙන්නායක නොවැම්බර් 23, ලෝකය (අවුට්බවුන්ඩ් ටුඩේ):
ඊශ්රායල හමුදා විසින් ගාසා තීරයේ පලස්තීන ජාතිකයන් 24 දෙනෙකු ඝාතනය කර ඇති බවත් ඒ සඳහා හමාස් සංවිධානය මැදිහත් වන ලෙස එක්සත් ජනපදයෙන් ඉල්ලා සිටිබ්න බවත් විදෙස් මාධ්ය වාර්තා කරයි.
ඊශ්රායල හමුදාව ගාසා තීරය හරහා ගුවන් ප්රහාර රැල්ලක් දියත් කර ඇති අතර, යුද්ධයෙන් විනාශ වූ ප්රදේශයේ සති හයක් පැරණි සටන් විරාමය උල්ලංඝනය කරමින් ළමුන් ඇතුළු අවම වශයෙන් පලස්තීන ජාතිකයින් 24 දෙනෙකු මිය ගොස් තිබේ.
ඊයේ (22) දින ප්රහාරවලින් තවත් 87 දෙනෙකු තුවාල ලැබූ බව ගාසා බලධාරීන් පවසයි. පළමු ප්රහාරය උතුරු ගාසා නගරයේ මෝටර් රථයකට එල්ල වූ බවත්, පසුව මධ්යම ඩෙයර් එල්-බාලා සහ නුසෙයිරාත් සරණාගත කඳවුරට තවත් ප්රහාර එල්ල වූ බවත් සාක්ෂිකරුවන් පැවසූහ.
ගාසා නගරයේ ඩ්රෝන් ප්රහාරයෙන් අවම වශයෙන් පුද්ගලයින් 11 දෙනෙකු මිය ගොස් තවත් 20 දෙනෙකු තුවාල ලැබූ බව අල්-ෂිෆා රෝහලේ කළමනාකාර අධ්යක්ෂ රාමි මන්නා පැවසීය. එය සිදු වූයේ නගරයේ රෙමාල් අසල්වැසි ප්රදේශයේ ය.
ඩෙයර් එල්-බාලා හි, ඊශ්රායල ප්රහාරයක් එහි නිවසකට එල්ල වූ විට කාන්තාවක් ඇතුළුව අවම වශයෙන් පුද්ගලයින් තිදෙනෙකු මිය ගොස් ඇති අතර, ඇසින් දුටු සාක්ෂිකරුවෙකු වන කලීල් අබු හටබ් පැවසුවේ ප්රහාරය “බලවත් පිපිරීමක්” ඇති කළ බවයි.“මම එළියේ බැලුවාම මුළු ප්රදේශයම දුමෙන් වැහිලා තිබුණා. මට කිසිම දෙයක් පෙනුනේ නැහැ. මම මගේ කන් වසාගෙන කූඩාරමේ හිටපු අනිත් අයට දුවන්න කියලා කෑ ගහන්න පටන් ගත්තා, "මම ආයෙත් බැලුවම, මගේ අසල්වැසියාගේ ගෙදර ඉහළ මහල නැති වෙලා කියලා මට තේරුණා. ඒක බිඳෙන සුළු සටන් විරාමයක්. මේක අපිට ජීවත් වෙන්න පුළුවන් තැනක් නෙවෙයි. ආරක්ෂිත තැනක් නැහැ."ඔහු පැවසීය.
