දේශපාලනයේදී සදාකාලික සතුරන් හෝ සදාකාලික මිතුරන් හෝ නොමැති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා පවසනවා.
ජනාධිපතිවරයා තෝරා පත්කර ගැනීමේ ඡන්දෙය්දී සහාය දේනනේ කාටදැයි මාධ්‍යවේදීන් සිදුකළ විමසීමකට ප්‍රතිචාර දක්වමින් මන්ත්‍රීවරයා මේ බව සඳහන් කර තිබේ. ඔහු වැඩිදුරටත් පවසා තිබෙන්නේ පක්ෂය ගන්නා තීන්දුව සමග කොන්දේසි විරහිතව තමා සිටගන්නා බවයි.
ජනාධිපතිවරයා තෝරා ගන්නා ඡන්දය සඳහා ඉදිරිපත් වන බව දැනටමත් ප්‍රකාශ කර ඇති වැඩබලන ජනාධිපති රනිල් වික්‍රමසිංහ මහතාට සහාය දෙන බව ශ්‍රී ලංකා පොදුජන පෙරමුණ ප්‍රකාශ කර තිබෙනවා. කෙසේ නමුත් ඒ සඳහා පොදුජන පෙරමුණේ මන්ත්‍රීවරුන් රැසකගෙන් විරෝධය පළවී තිබේ. ඔවුන් පවසන්නේ පක්ෂය වෙනුවෙන් ඩලස් අලහප්පෙරුම මහතා ඡන්දයට ඉදිරිපත් වන බව ප්‍රකාශ කර ඇති බැවින් පක්ෂයෙන් පිටස්තර පුද්ගලයෙකුට ඡන්දය ප්‍රකාශ කළ නොහැකි බවයි.
UN
