ශ්රී ලංකා නිදහස් පක්ෂය නිල වශයෙන් ඩලස් අලහප්පෙරුම මහතාට සහාය දක්වන බව ප්රකාශ කර තිබුණ ද එහි මන්ත්රීවරුන් 14 දෙනාගෙන් 9 දෙනෙකුම රනිල් වික්රමසිංහ මහතාට සහාය දීමට සූදානමින් සිටින බව එම පක්ෂයේ පාර්ලිමේන්තු මන්ත්රී චාමර සම්පත් දසනායක මහතා පවසයි.
“ඒගොල්ලො දැන් දවසින් දවසට කතාව වෙනස් කරනවානෙ. අපි එහෙම කතාව වෙනස් කරන මිනිස්සු නෙවෙයි. අපි ශ්රී ලංකා නිදහස් පක්ෂයට ආදරෙයි. ඔය ඉන්න නායකයොන්ට වැඩිය අපි ශ්රීලනිප එක්ක ඉඳපු අය. ඔය නායකයො සමහරු එක්සත් ජාතික පක්ෂයේ අවුරුදු 14ක් ඉඳලා අපේ පක්ෂයට ආපු අයත් ඉන්නවා. අපි එහෙම නෑ. දැන් මගේ ප්රකාශයෙන් පස්සෙ තමයි ඡන්ද කතාව කියන්නෙ. ඩලස් අලහප්පෙරුම මැතිතුමාට දෙනවා නම් ඒක හොඳයි. හැබැයි අපි තීරණයක් අරන් තියෙනවා. ඔය කියන නායකයින්ට පුළුවන් නම් ශ්රීලනිප ඡන්ද 14න් 5ක් දාන්න කියන්නකො පුළුවන් නම් … 5ක් වත් බෑ. ඉතුරු අපට ඉන්නවා ඡන්ද 9ක් විතර රනිල් වික්රමසිංහට ඡන්දය දෙන්න මේ වෙලාවේ. නම් වශයෙන් මම ප්රකාශ කරන්නෙ නෑ, ඒ අය ඒගොල්ලො දන්නවා මේ වෙලාවෙ. මේක මේ රනිල් වික්රමසිංහගෙයි මෛත්රීපාලගෙයි පෞද්ගලික ප්රශ්නයක්, ඒක අපට අදාළ නෑ. අපි රට ගැන හිතලා ඡන්දෙ දෙන්නෙ”
චාමර සම්පත් දසනායක මහතා මේ බව පැවසුවේ ගුවන්විදුලි නාලිකාවක් සමග අදහස් දක්වමිනි.
RN
