රෂිකා හෙන්නායක පෙබරවාරි 05, කොළඹ LNW :
අද (04) පස්වරුවේදී ඉන්දීය රජයේ පූර්ණ අනුග්‍රහයෙන් ශ්‍රී සර්වඥ ධාතූන්වහන්සේ කටුනායක ජාත්‍යන්තර ගුවන්තොටුපොළට වැඩම කරවනු ලැබූ අතර, ඉන්දියාවට අයත් විශේෂිත ගුවන්යානයකින් මෙරටට වැඩම කරවන ලද මෙම ධාතූන්වහන්සේ අද පස්වරුවේ කොළඹ හුණුපිටිය ගංගාරාම විහාරස්ථානය වෙත වැඩම කරවීමට නියමිතය.
ඒ අනුව, ජනතාවට හෙට (05) සිට ලබන 11 වැනිදා දක්වා ගංගාරාම විහාරස්ථානයේදී ශ්‍රී සර්වඥ ධාතූන්වහන්සේ වැඳපුදා ගැනීමට අවස්ථාව හිමිවනු ඇත.
