පාර්ලිමේන්තුව ඇතුළේ එක නීතියකුත් රටේ ජනතාවකට තව නීතියකුත් තිබේදැයි කතානායක වරයා වහාම පැහැදිලි කළ යුතු යැයි විපක්ෂ නායක සජිත් ප්‍රේමදාස මහතා ඊයේ (10) පැවසීය.
පාර්ලිමේන්තු සභාගැබ තුළ සහ පාර්ලිමේන්තුව තුළ පොදු දේපල පනත වලංගු නැතැයි සාවද්‍ය ප්‍රකාශයක් පෙරේදා සිදු වූ බව පැවසූ විපක්ෂ නායකවරයා දණ්ඩ නීති සංග්‍රහය මේ සභාව තුළ වලංගු නැද්දැයි කතානායකවරයා ප්‍රකාශ කළ යුතු බවද පෙන්වා දුන්නේය.
පාර්ලිමේන්තු මන්ත්‍රීවරයෙක් සතු බලතල පිළිබඳව රට නොමඟ යවන සිදුවීමක් පෙරේදා සිදු වූ බව පැවසූ විපක්ෂ නායකවරයා වැඩිදුරටත් ඉල්ලා සිටියේ දින 52 ඒ කුමන්ත්‍රණය වකවානුව තුළ පාර්ලිමේන්තුව සභා ගැබේ සිදු වූ සිදුවීම් පිළිබඳව වර්තමාන රජයේ කැබිනට් ප්‍රකාශකවරයා කරනු ලබන ප්‍රකාශ සම්බන්ධයෙන් කතානායකවරයාගේ පැහැදිලි කිරීමක් අවශ්‍ය බවය.
RN
