ශ්‍රී ලංකා ක්‍රිකට් ආයතනයේ සභාපති ෂම්මි සිල්වා එම තනතුරෙන් ඉල්ලා අස්වීමෙන් අනතුරුව ක්‍රිකට් පරිපාලනය සඳහා පිහිටුවීමට නියමිත අතුරු පාලක කමිටුවේ සභාපති ධුරයට පත්කෙරෙන්නේ කවුරුන්ද යන්න පිළිබඳ අවසන් තීරණය අද (29) දිනයේදී ගැනීමට නියමිත බව ආරංචිමාර්ග පවසයි.
මෙම තනතුර සඳහා සමගි ජන බලවේගයේ හිටපු පාර්ලිමේන්තු මන්ත්‍රී ඉරාන් වික්‍රමරත්න මහතාගේ නම මෙන්ම හිටපු හමුදාපති සරත් ෆොන්සේකා මහතාගේ නමත් යෝජනා වී ඇති බව සඳහන්.
ඒ අනුව ඊයේ රාත්‍රිය වනවිටත් ඉහළම බලධාරීන් විසින් මේ දෙදෙනා සම්බන්ධයෙන්ම සලකා බලමින් තිබුණු බවයි අභ්‍යන්තර ආරංචිමාර්ග වැඩිදුරටත් පැවසුවේ.
