සටහන: සශිකලා මධුෂාණි
මැයි 11; ලෝකය(අවුට්බවුන්ඩ් ටුඩේ): දූෂණ සහ බලය අයුතු ලෙස භාවිතා කිරීම සම්බන්ධයෙන් වසරක සිර දඬුවමකින් මාස අටක් ගත කිරීමෙන් පසු තායිලන්තයේ හිටපු අගමැති තක්සින් ෂිනවත්‍රා හට අද(11)නිදහස ලබා දී තිබේ.
76 හැවිරිදි බිලියනපතියකු වන තක්ෂින් ෂිනවත්‍රා 2001 සිට 2006 දී හමුදා කුමන්ත්‍රණයකින් බලයෙන් පහ කරන තෙක් අගමැති ධුරය දැරීය.
ස්වයං-පිටුවහල් කිරීමෙන් වසර 15 කට පසු, ඔහු 2023 දී තායිලන්තයට නැවත පැමිණියේ ඔහුගේ ධුර කාලයට අදාළව බලය අනිසි ලෙස භාවිතා කිරීම සම්බන්ධයෙන් වසර අටක සිර දඬුවමකට මුහුණ දීමටය. එම දඬුවම රජු විසින් වසරක් දක්වා අඩු කරන ලදී.
අධිකරණ අමාත්‍යාංශ කමිටුවක් පසුගිය මාසයේ දී සුදුසුකම් ලත් සිරකරුවන්ගේ නඩු 900 කට වැඩි සංඛ්‍යාවක් සමාලෝචනය කිරීමේ කොටසක් ලෙස තක්සින් ෂිනවත්‍රා හට සමාව ලබා දීමට එකඟ වූ අතර, බන්ධනාගාරයේ ඔහුගේ යහපත් හැසිරීම, ඔහුගේ වයස සහ ඔහු නැවත ඔහුගේ වරද කිරීමට ඇති අවදානම අඩු බව සඳහන් කර ඇත.
