සටහන – පුලී
ජූනි 20, LNW (කොළඹ): එංගලන්තයේ ලන්ඩන් නගරයට උතුරින් පිහිටි බෙඩ්ෆෝඩ් (Bedford) ප්‍රදේශයේ සිකුරාදා සවස සිදුවූ බරපතළ දුම්රිය අනතුරකින් එක් පුද්ගලයෙකු මියගොස් තවත් පුද්ගලයින් 90කට ආසන්න පිරිසක් තුවාල ලබා ඇති බව බ්‍රිතාන්‍ය බලධාරීන් නිවේදනය කර තිබේ.
බ්‍රිතාන්‍ය ප්‍රවාහන පොලිසිය (British Transport Police) සඳහන් කළේ මගී දුම්රිය සේවා දෙකක් එකිනෙක ගැටීමෙන් මෙම අනතුර සිදුව ඇති බවයි. අනතුරින් මියගොස් ඇත්තේ දුම්රිය රියදුරෙකු බව ජාතික දුම්රිය, නාවික හා ප්‍රවාහන කම්කරු සංගමය (National Union of Rail, Maritime and Transport Workers) තහවුරු කර ඇත.
නැගෙනහිර එංගලන්ත ගිලන් රථ සේවය (East of England Ambulance Service) අනුව, අනතුරින් පුද්ගලයින් 90කට ආසන්න සංඛ්‍යාවක් තුවාල ලබා ඇති අතර, එයින් 11 දෙනෙකුගේ තත්ත්වය ඉතා බරපතළ වන අතර තවත් 22 දෙනෙකු බරපතළ තුවාල ලබා තිබේ. හදිසි ප්‍රතිචාර කටයුතු සඳහා ගිලන් රථ 20කට අධික සංඛ්‍යාවක් ද අනතුරු ස්ථානය වෙත යොමු කර ඇත.
එක්සත් රාජධානියේ ප්‍රවාහන ලේකම් හෙයිඩි ඇලෙක්සැන්ඩර් (Heidi Alexander) සඳහන් කළේ අනතුරට ලක්ව ඇත්තේ East Midlands Railway (EMR) සමාගමට අයත් මගී දුම්රිය සේවා දෙකක් බවයි.
සබැඳි පුවත්;
