ජනලේඛන හා සංඛ්‍යාලේඛන දෙපාර්තමේන්තුව මාසිකව සකස් කරන ජාතික පාරිභෝගික මිල දර්ශකය අද නිකුත් කර තිබෙනවා. ඒ ගත වූ අගෝස්තු මාසයට අදාලවයි.
ජාතික පාරිභෝගික මිල දර්ශකයට අනුව, ජුලි මාසයේදී 66.7% ක් ලෙස පැවති මතුපිට උද්ධමනය 70.2% ක් දක්වා ඉහළ ගොස් තිබේ.
ආහාර කාණ්ඩයේ උද්ධමනය අගෝස්තු මාසය තුළ 82.5% සිට 84.6% දක්වා ඉහළ ගොස් තිබේ.
ආහාර නොවන කාණ්ඩයේ උද්ධමනය 52.4% සිට 57.1% දක්වා ඉහළ ගොස් ඇත.
ආහාර කාණ්ඩයේ මෙන්ම ආහාර නොවන කාණ්ඩයේ භාණ්ඩවලද මිල අඛණ්ඩව ඉහළ යමින් තිබෙන අතර මේ වනවිට ශ්‍රී ලංකාව ලොව අධි උද්ධමනයක් වාර්තා වන රටවල් අතර පළමු ස්ථාන කිහිපය තුළ රැඳී සිටී.
UN
