සටහන – පුලී
අගෝස්තු 12, LNW (කොළඹ): කැනඩාවේදී ළමයෙක් seat belt එක පැළඳීම ප්‍රතික්ෂේප කිරීම හේතුවෙන් ගුවන් යානයක් අවලංගු කිරීමට සිදුවූ අසාමාන්‍ය සිදුවීමක් වාර්තා වෙයි.
Victoria International Airport සිට Toronto බලා ගමන් කිරීමට නියමිතව තිබූ Porter Airlines ගුවන් යානයක් takeoff සඳහා සූදානම් වෙමින් සිටියදී, දරුවා ආසනයේ වාඩි වී seat belt එක පැළඳීම දිගින් දිගටම ප්‍රතික්ෂේප කර ඇතැයි විදෙස් මාධ්‍ය වාර්තා කරයි.
දෙමාපියන් සහ ගුවන් කාර්ය මණ්ඩලය දරුවා ආරක්ෂිතව ආසනයේ රඳවා තැබීමට උත්සාහ කළත් එය සාර්ථක වී නැහැ. අවසානයේ දරුවා සහ දෙමාපියන් ගුවන් යානයෙන් ඉවත් කිරීමට සිදුව ඇත.
මේ වන විටත් ගුවන් යානය ප්‍රමාද වී තිබූ අතර, ගුවන් තොටුපළේ රාත්‍රී මෙහෙයුම් සීමාවද ළඟා වී තිබූ නිසා ගුවන් ගමන සම්පූර්ණයෙන්ම අවලංගු කිරීමට සිදුව ඇත.
ඒ අනුව ගුවන් යානයේ සිටි අනෙකුත් මගීන්ටද ඔවුන්ගේ ගමන පසුදා දක්වා කල් දැමීමට සිදුව ඇති අතර, ගුවන් සමාගම සිදුවූ අපහසුතාව සම්බන්ධයෙන් සමාව ද ඉල්ලා තිබේ.
