සටහන – රුවන් නෙළුගොල්ල
22 වැනි ආණ්ඩුක්රම ව්යවස්ථා සංශෝධන පනත් කෙටුම්පත සඳහා කථානායක වෛද්ය ජගත් වික්රමරත්න මහතා ඊයේ (25) දිනයේදීම සිය සහතිකය සටහන් කර තිබේ.
ඒ, එම පනත් කෙටුම්පත ඊයේ සවස පාර්ලිමේන්තුවේදී තුනෙන් දෙකක බලයෙන් සම්මත කරගැනීමෙන් අනතුරුව ය.
මෙම පනත මගින් ශ්රේෂ්ඨාධිකරණ විනිසුරුවරුන්ගේ විශ්රාම යන වයස අවුරුදු 65 සිට 67 දක්වාත්, අභියාචනාධිකරණ විනිසුරුවරුන්ගේ විශ්රාම යන වයස අවුරුදු 63 සිට 65 දක්වාත් සංශෝධනය කර ඇති අතර අභියාචනාධිකරණයේ විනිසුරුවරුන් සංඛ්යාව 19 සිට 24 දක්වා ඉහළ නංවා ඇත.
එසේම අධිකරණ සංවිධාන (සංශෝධන) පනත් කෙටුම්පත සඳහා ද කථානායක වෛද්ය ජගත් වික්රමරත්න මහතා ඊයේ දිනයේදී සිය සහතිකය සටහන් කර ඇත.
සංශෝධනය මගින් මහාධිකරණ විනිසුරුවරුන්ගේ විශ්රාම යාමේ වයස අවුරුදු 61 සිට 63 දක්වාත්, දිසා විනිසුරුවරුන්ගේ සහ මහේස්ත්රාත්වරුන්ගේ විශ්රාම යාමේ වයස අවුරුදු 60 සිට 62 දක්වාත් වැඩිකර තිබේ.
