වත්මන් ආණ්ඩුවට සිදුව ඇත්තේ කඩවැටුණු සමාජයක් සුවපත් කිරීමට බවත් ඒ සඳහා නීතියේ විධානයේ ආධිපත්‍ය ශක්තිමත් කළයුතුව ඇති බවත් ජාතික ජන බලවේගයේ පාර්ලිමේන්තු මන්ත්‍රී සුනිල් රත්නසිරි මහතා පවසයි.
“කඩාවැටිලා තියෙන සමාජයක් තමයි දැන් අපි සුවපත් කරන්නට ඕනෙ. එක්කෝ අපි මේ සමාජය ධර්මයෙන් හදන්න ඕනෙ, එහෙම නැත්නම් අපි නීතියෙන් හදන්න ඕනෙ. ධර්මයෙන් විතරක් හදන්න බැරි අය ඉන්නවා. ආං ඒ අය හදන්න කෙවිට අතට ගන්න වෙනවා. ඒ කෙවිට පරණයි නම්, ඒ කෙවිටට ගුල්ලෝ ගහලා නම්, ඒක කැඩෙනවා නම් හොඳ කෙවිටක් ඕනෙ වෙනවා. ඒ කෙවිට තමා නීතියේ විධානයේ ආධිපත්‍ය තහවුරු කිරීම”
සුනිල් රත්නසිරි මන්ත්‍රීවරයා මේ බව පැවසුවේ පසුගියදා දිඹුලාගල ප්‍රදේශයේ පැවති උත්සවයක් අමතමිනි.
