ඇමෙරිකානු සාම බලකායේ ස්වේච්ඡා සේවකයෝ 34ක් දිවයිනට!

රෂිකා හෙන්නායක නොවැම්බර් 18, කොළඹ LNW:

ඉංග්‍රීසි භාෂා අධ්‍යාපනය ශක්තිමත් කිරීමට ඇමෙරිකානු සාම බලකායේ ස්වේච්ඡා සේවකයෝ 34 දෙනෙක් ශ්‍රී ලංකාවට

2018 වසරේ යළි ආරම්භ කළ ඇමෙරිකානු සාම බලකා වැඩසටහන යටතේ විශාලතම ස්වේච්ඡා සේවක කණ්ඩායම ශ්‍රී ලංකාවට

උතුරු සහ උතුරු මැද පළාත්වල පාසල්වල ඉංග්‍රීසි භාෂා අධ්‍යාපනය ශක්තිමත් කිරීමේ අරමුණින් ඇමෙරිකානු සාම බලකායේ (Peace Corps) ස්වේච්ඡා සේවකයන් 34 දෙනෙකුගෙන් යුත් කණ්ඩායමක් ශ්‍රී ලංකාවේ වසර දෙකක සේවා කාලයක් ආරම්භ කර තිබේ.

ඒ වෙනුවෙන් පැවැති සේවා ප්‍රතිඥා ප්‍රදාන උත්සවයට ඊයේ දින(17) විදේශ කටයුතු හා විදේශ රැකියා නියෝජ්‍ය අමාත්‍ය ගරු අරුන් හේමචන්ද්‍ර මහතා සහභාගී විය. ශ්‍රී ලංකාවේ ඇමෙරිකානු තානාපති අතිගරු එරික් මේයර් මහතා සහ අධ්‍යාපන අමාත්‍යාංශයේ ජ්‍යෙෂ්ඨ නිලධාරීහු ද ඊට එක්ව සිටියහ.

2018 වසරේදී වැඩසටහන යළි ආරම්භ කිරීමෙන් පසු ශ්‍රී ලංකාවට පැමිණි විශාලතම සාම බලකා ස්වේච්ඡා සේවක කණ්ඩායම මෙය වේ.

මෙම ස්වේච්ඡා සේවකයන් ශ්‍රී ලාංකික ගුරුවරුන් සමඟ එක්ව පන්තිකාමර ඉගැන්වීම් සහ ගුරු පුහුණු වැඩසටහන් ඔස්සේ සිසුන්ගේ ඉංග්‍රීසි භාෂා සන්නිවේදන කුසලතා වැඩිදියුණු කිරීමට දායක වනු ඇත.

මෙහිදී අදහස් දැක්වූ නියෝජ්‍ය අමාත්‍ය අරුන් හේමචන්ද්‍ර මහතා, අධ්‍යාපනික සහයෝගීතාව සහ ජනතාව අතර සබඳතා වර්ධනය කිරීම දෙරටේ මිත්‍රත්වය ශක්තිමත් කිරීම සඳහා වැදගත් වන බව අවධාරණය කළේය.

“රාජ්‍යතාන්ත්‍රික සබඳතා සෑම විටම සාකච්ඡා මේසයක් හරහා ආරම්භ වන්නේ නැහැ. ඇතැම් විට එය පන්ති කාමරයක මේසයක් හරහා ආරම්භ විය හැකියි.”

එමෙන්ම, ශ්‍රී ලංකාවේ සාම බලකා වැඩසටහනේ අධ්‍යක්ෂ ජෙෆ්රි ගෝවියා මහතා ඇතුළු කණ්ඩායම මෙම හවුල්කාරිත්වය ශක්තිමත් කිරීම වෙනුවෙන් දක්වන කැපවීම ද නියෝජ්‍ය අමාත්‍යවරයාගේ ඇගයීමට ලක් විය.

මෙම වැඩසටහන ශ්‍රී ලංකාව සහ ඇමෙරිකා එක්සත් ජනපදය අතර අධ්‍යාපනික සහයෝගීතාව, සංස්කෘතික හුවමාරුව සහ ජනතා අතර සබඳතා තවදුරටත් පුළුල් කිරීමට වැදගත් දායකත්වයක් සපයනු ඇත.

Share post:

spot_imgspot_img

Popular

More like this
Related

ඇමරිකාවේ තාක්ෂණික බිඳවැටීම: Leave the World Behind යථාර්ථයක් වෙනගමන් ද?

ඇමරිකාවේ තාක්ෂණික බිඳවැටීම: Leave the World Behind යතාර්ථයක් වෙනගමන් ද?

ඇමරිකානු ජනාධිපති චීනයට!

කොළඹ LNW:ඇමරිකානු ජනාධිපති ඩොනල්ඩ් ට්‍රම්ප් මහතා චීනයේ Shenzhen නගරය...

නකල්ස් සිදුවීමට අදාළ දැරියගේ සහ බිළිඳියගේ සුබසාධනය සහ අධ්‍යාපන අයිතිය තහවුරු කිරීම සඳහා පියවර!

කොළඹ LNW:නකල්ස් සිදුවීමට අදාළ දැරිය සහ බිළිඳියගේ සුබසාධනය සහ...

‘හස්ති සේනා’ මෙහෙයුම :ගජබාහු හස්තියා සැරිසරන යාං ඔය – වාහල්කඩ ප්‍රදේශයට!

කොළඹ LNW:වන අලි ඇතුන්ගේ ජීවිත ආරක්ෂා කිරීමත්, මිනිස් ජීවිත...