දොඩම්ගොඩ, වඩුගොඩ ශ්‍රී සුදර්ශනාරාම විහාරස්ථානයේ කඨින පෙරහැරේ ගිනිබෝල කරකවමින් ගිය පාසල් සිසුවෙකු අද (23) අළුයම විදුලිසැර වැදීමකින් මියගොස් ඇති බව පොලිසිය පවසයි.
මෙසේ මියගොස් ඇත්තේ දොඩම්ගොඩ ප්‍රදේශයේම පදිංචි, මිරිස්වත්ත ජාතික පාසලේ ඉගෙනුම ලැබූ 17 හැවිරිදි සිසුවෙකි.
අනතුරින් තවත් තරුණයින් දෙදෙනෙකු ද තවාල ලබා ඇති බව සඳහන්.
මියගිය සිසුවා ඇතුළු පිරිසක් පෙරහැරේ ගිනිබෝල කරකවමින් ගොස් ඇති අතර ඔහු අත තිබූ ගිනිබෝල සවිකර තිබූ යකට පට්ටම බිම වැටී ඇති බවත් එය තාවකාලිකව ඇද තිබූ විදුලි වයරක ගැටී ඇති අතර එය නැවත අහුළා ගැනීමට යාමේදී සිසුවාට විදුලි සැර වැදී ඇති බවත් ඔහුව බේරාගැනීමට උත්සාහ කළ තවත් තරුණයින් දෙදෙනෙකු ද තුවාල ලබා ඇති බවත් මෙතෙක් විමර්ශන වලදී අනාවරණය වී ඇත.
අදාළ සිසුවා වහාම කළුතර රෝහල වෙත ගෙනයාමට කටයුතු කර ඇතත් රෝහලට ඇතුළත් කරන විටත් ඔහු මියගොස් සිට ඇති බවත් වාර්තා විය.
RN
