දේශපාලන පක්ෂ, වෘත්තීය සමිති සහ සිවිල් සංවිධානවල සහභාගීත්වයෙන් අද (02) කොළඹදී පැවැත්වීමට නියමිත පා ගමනට සහ උද්ඝෝෂණයට අවසර ලබාදීමට නොහැකි බව දන්වමින් කොළඹ මධ්යම II කොට්ඨාස භාර සහකාර පොලිස් අධිකාරීවරයා විසින් සමගි ජන බලවේගයේ හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර මහත්මිය වෙත ලිපියක් යවා තිබේ.
ඒ අනුව මරදාන එල්ෆින්ස්ටන් රඟහල අසල සිට අද ආරම්භ වීමට නියමිත පා ගමන නිසා මාර්ග අවහිර වීමක් සිදුවුවහොත් ඊට සහභාගී වන්නන්ට එරෙහිව නීතිමය ක්රියාමාර්ග ගන්නා බවයි එම ලිපියෙන් දැනුම් දී ඇත්තේ.
මෙවැනි ලිපි මෙම විරෝධතාව සංවිධානය කරන තවත් අය වෙත ද යවා ඇති බව සඳහන්.
RN
