ශ්‍රී ලංකා පොලීසියේ පහළ මට්ටමේ නිලතල දරණ නිලධාරීන් හා නිලධාරිනියන් 9417 දෙනෙකුගේ නැවතී තිබුණු උසස්වීම් ලබාදීමට මහජන ආරක්ෂක අමාත්‍ය ටිරාන් අලස් මහතා ඉදිරිපත් කළ කැබිනට් පත්‍රිකාවකට අනුමැතිය හිමිව ඇති බව වාර්තා වේ.
අද (19) පස්වරුවේ පැවති කැබිනට් රැස්වීමේදී අමාත්‍ය ටිරාන් අලස් මහතා විසින් ඉදිරිපත් කරන ලද මෙම යෝජනාවට කැබිනට් අනුමැතිය හිමිව ඇති බව සඳහන්.
ඒ අනුව, පොලිස් කොස්තාපල් තනතුරේ සිට පොලිස් පරීක්ෂක තනතුර දක්වා පිරිමි නිලධාරීන් 8312 දෙනෙකුටත් කාන්තා නිලධාරිනියන් 1105 දෙනෙකුටත් මෙසේ ඒ ඒ අයට හිමි ඊළඟ තනතුර දක්වා උසස්වීම් හිමිවනු ඇත.
විවිධ හේතූන් මත මෙම නිලධාරීන්ට සහ නිලධාරිනියන්ට වසර ගණනක් තිස්සේ අහිමිව තිබුණු, ඔවුන්ට ලැබිය යුතු උසස්වීම් ලබාගැනීමට මෙයින් අවස්ථාව හිමිව ඇති බවයි පොලිස් ආරංචිමාර්ග පැවසුවේ.
RN
