විවිධ හේතු මත විදේශිකයන් 912 දෙනකු සරණාගතයන් ලෙස ශ්‍රී ලංකාවේ රැඳී සිටින බව ආගමන විගමන දෙපාර්තමේන්තුවේ 2021 කාර්ය සාධන වාර්තාවේ සඳහන්වේ.
ඉන් වැඩි පිරිසක් පාකිස්තාන ජාතිකයෝ වෙති. එම සංඛ්‍යාව 709කි.
මීට අමතරව ඇෆ්ගනිස්ථානු ජාතිකයන් 113 දෙනකුද, ඉරාන ජාතිකයන් 24 දෙනකුද, පලස්තීන ජාතිකයන් හය දෙනකුද, සුඩාන ජාතිකයන් හතර දෙනකුද ,යේමන ජාතිකයන් පහළොස් දෙනකුද මියන්මාර ජාතිකයන් තිස් පස් දෙනකු ද, බංගලාදේශ, එරිත්‍රියාව, සෝමාලියාව යන රටවල එක් අයකු බැගින්ද මෙරට සරණාගතයන් ලෙස රැඳී සිටින බව එම වාර්තාවේ සඳහන් වේ.
මෙම පිරිස මෙලෙස මෙරට රැඳී සිටින්නේ සරණාගතයන් පිළිබඳ කටයුතු කිරීමේ ඒකකයේ අධික්ෂණය යටතේය.
රෂිකා හෙන්නායක
