කොවිඩ් 19 වෛරසයේ බලපෑම අවම කිරීම සඳහා භාවිතා කරන එන්නත් ප්‍රතික්ෂේප කළ නිසා එන්නත්කරණයෙන් තොර වූ බැවින් ඕස්ට්‍රේලියානු විවෘත ටෙනිස් තරගාවලිය අහිමි කරමින් ඕස්ට්‍රේලියාවෙන් පිටමං කළ නොවැක් ජොකොවික් එවකට මහත් ආන්දෝලනයක් ඇති කළේය.2020 දී පමණ ලෝක ටෙනිස් සූරයාව සිටි සර්බියාවේ නොවැක් ජොකොවික්ට මෙම ඉරණමට මුහුණ දෙන්නට සිදු විය.එහිදී සිඳු වූ ජොකොවික්ගේ පසුබෑම යම් මට්ටමකට ඔහුගේ ටෙනිස් ජීවිතයටම අදාළ වූ අතර අද ජොකොවික් සිටින්නේ ලොව පස්වැන්නා ලෙස ය.
නමුත් මෙවර ඕස්ට්‍රේලියානු විවෘත තරගාවලියේදී එන්නත් භාවිතය පරික්ෂාව පමණක් නොව සහභාගීත්වයේදී කොවිඩ් වැළඳ තිබීම ද ගැටළුවක් නොවන තත්ත්වයට පත්ව ඇත.එය තරගාවලිය සම්බන්ධයෙන් වන නිල ප්‍රකාශවලින්ම දක්වා ඇත.
තරගාවලි අධ්‍යක්ෂ ක්‍රේග් ටයිලි පවසන්නේ මේ මාසයේ ඕස්ට්‍රේලියානු විවෘත ටෙනිස් ක්‍රීඩා උළෙලට සහභාගී වන ටෙනිස් ක්‍රීඩකයින්ට කොවිඩ් -19 පරීක්ෂණය ධනාත්මක වුව ද සහභාගීත්වයට එය ගැටළුවක් නොවන බවය. තරඟාවලියට තරඟ කිරීම සඳහා ඕස්ට්‍රේලියානු විවෘත ක්‍රීඩකයින්ට කොවිඩ්-19 පරීක්ෂණ සිදු කිරීමට අවශ්‍ය නොවන බව ද ටයිලි පවසා ඇත.
නමුත් ටයිලි පවසන්නේ යම් අසනීප තත්ත්වයක් හේතුවෙන් අපහසුතා දැනෙන ක්‍රීඩක ක්‍රීඩිකාවන්ට සිය නවාතැනේම විවේකීව රැඳෙන සිටයි.ඔහු මේ කරුණ තරගාවලියේ රාජකාරි සඳහා යොදවා තිබෙන 12000 ක සේවක මණ්ඩලයට ද අදාළ ව පවසා ඇත.
ඕස්ට්‍රේලියානු ප්‍රජාව තුළ සිදුවෙමින් පවතින ආකල්පමය වෙනසට අනුව සිදුව ඇති ප්‍රතිපත්තිමය කරුණු ගැන අවධානයෙන් මෙම තීරණයට පිවිස ඇති ඔස්ට්‍රේලියානු විවාත ටෙනිස් තරග සංවිධායක කමිටුව, තමන් ද ක්‍රිකට් වැනි ක්‍රීඩාවන් හා සමානවම තමන්ද හැසිරෙන බව ප්‍රකාශ කර ඇත.
තරගාවලිය ජනවාරි 16 වන දා සිට ජනවාරි 28 වන දා දක්වා පැවත්වෙයි.
RM
