සටහන – රෂිකා හෙන්නායක
කොළඹ (LNW): මෙරට සිල්ලර ඉන්ධන වෙළෙඳපොළ සඳහා පිවිසීමට විදෙස් සමාගම් 3කට කැබිනට් අනුමැතිය ලබා දී ඇති බව ට්විටර් පණිවුඩයක් නිකුත් කරමින් විදුලිබල සහ බලශක්ති අමාත්ය කංචන විජේසේකර මහතා පවසයි.
ඒ අනුව Sinopec, United Petroleum සහ RM Parks of USA යන සමාගම් වෙත අවසර හිමිව ඇත. මෙමගින් අදාළ විදෙස් සමාගම් සඳහා දැනට ඛනිජ තෙල් නීතිගත සංස්ථාව විසින් අලෙවි නියෝජිතයින් හරහා මෙහෙයවනු ලබන ඉන්ධන පිරවුම්හල් 150ක් බැගින් මෙන්ම නව ඉන්ධන පිරවුම්හල් 50 ක් ඉදිකිරීම හරහා මෙරට සිල්ලර ඉන්ධන වෙළෙඳපොළ සඳහා පිවිසීමට අවසර හිමිවනු ඇති.
තවද, අදාළ සමාගම් වෙත වසර 20 ක් දක්වා ක්රියාත්මක වන බලපත්රයක් හිමිවන අතර එමගින් ඛනිජ තෙල් නිෂ්පාදන ආනයනය කිරීමට, ගබඩා කිරීමට, බෙදා හැරීමට සහ අලෙවි කිරීමටද අවසර හිමිවන බව සඳහන් වේ.
