කොළඹ (LNW): නැගෙනහිර පළාත් නව ආණ්ඩුකාරවරයා ලෙස ශ්‍රී ලංකා කම්කරු කොංග්‍රසයේ සභාපති, ඌව පළාත් හිටපු අමාත්‍ය සහ ඌව පළාත් හිටපු වැඩබලන ප්‍රධාන අමාත්‍ය මුත්තුවිනායගම් සෙන්තිල් තොණ්ඩමන් මහතා පත් කිරීමට නියමිත බවට වාර්තා තහවුරු කරයි.
නව ආණ්ඩුකාරවරුන් තිදෙනෙකු ලබන 17 වැනිදා ජනාධිපති රනිල් වික්‍රමසිංහ මහතා විසින් පත් කිරීමට නියමිත බවත්, නැගෙනහිර පළාත් ආණ්ඩුකාරවරයා ලෙස සෙන්තිල් තොණ්ඩමන් මහතා පත් කිරීමට සියලු කටයුතු මේ වන විට අවසන් කර ඇති බවත් ජනාධිපතිවරයාට සමීප ආරංචිමාර්ග සඳහන් කරයි.
මේ අතර, තහවුරු කරන ලද නිශ්චිත තොරතුරක් මෙතෙක් ලැබී නොමැති වුවද, රජයේ පරිපාලන සේවයේ දමිළ කාන්තාවක් උතුරු පළාත් ආණ්ඩුකාරවරයා ලෙසත් හිටපු අමාත්‍යවරයකු වයඹ ආණ්ඩුකාරවරයා ලෙසත් පත් කිරීමට නියමිත බව ද වාර්තා වේ.
