කොළඹ LNW:ජිනීවා නුවරදී අද (19) ඇරඹෙන එක්සත් ජාතින්ගේ මානව හිමිකම් කවුන්සිලයේ 53 වැනි මානව හිමිකම් සැසිවාරයේදී ශ්රී ලංකාව ඇතුළු රටවල් 12ක් පිළිබඳ විශ්ව කාලීන වාර්තාවක් ඉදිරිපත්වීමට නියමිත බව මානව හිමිකම් කොමිෂන් සභාවේ හිටපු සභාපති මහාචාර්ය ප්රතිභා මහානාමහේවා මහතා පවසයි.
මෙම සැසිවාරයේදීද ශ්රී ලංකාව සම්බන්ධයෙන් විශේෂ අවධානයක් යොමුවනු ඇති අතර එයට පසුගිය අරගලය හේතුවක් බවයි ඔහු සඳහන් කරන්නේ.
එම අරගලයට අදාළව කෙරුණු අත්අඩංගුවට ගැනීම් සම්බන්ධයෙන් ප්රශ්න කෙරෙනු ඇති බව හෙතෙම කියාසිටියි.
පොලීසිය තුළ සිදුවූ මරණ,අල්ලස් පනත,භාෂණයේ නිදහස,ආගමික සංහිඳියාව ආදිය සම්බන්ධයෙන් එහිදී සාකච්ජා කෙරෙනු ඇති අතර ශ්රී ලංකා නියෝජිතයා ඊට සාර්ථකව මුහුණ දිය යුතුවන බවයි මහානාමහේවා මහතා පවසන්නේ.
මානව හිමිකම් සුරක්ෂිත කිරීම සම්බන්ධයෙන් මෙරටට ඇත්තේ විවාදාත්මක තත්ත්වයක් වන හෙයින් කළ යුත්තේ ජාතික මානව හිමිකම් සැලැස්මක් සකස් කිරීම බවද ඔහු කියාසිටියි.
මෙම සැසිවාරය එළඹෙන ජූලි 17 දක්වා ක්රියාත්මකයි.
ASK
