සටහන – රෂිකා හෙන්නායක
කොළඹ (LNW): සෞඛ්‍ය අමාත්‍යාංශය පවසන ආකාරයට , ඖෂධ ආනයනය සඳහා මාසිකව ඩොලර් මිලියන 13 ක් පමණ වැය වන අතර , ඖෂධ ආනයනය සඳහා මාසිකව වැයවන මුදල් කඩිනමින් ලබා දීමට මුදල් අමාත්‍යාංශය එකඟ වී තිබේ.
නමුත් ඖෂධ ආනයනයේදි එම මුදල් නිසි පරිදි ලබා නොදීම හේතුවෙන් ගැටලු මතුව තිබෙන අතර , මේ සම්බන්ධයෙන් පසුගියදා මුදල් අමාත්‍යාංශ බලධාරීන් සමග කළ සාකච්ඡාවකදී මෙම එකඟතාවට පැමිණි බව සෞඛ්‍ය අමාත්‍යාංශයේ ජ්‍යෙෂ්ඨ නිලධාරියෙකු සඳහන් කළා. ඒ අනුව දැනට හිඟව පවතින ඖෂධ වර්ග කඩිනමින් ආනයනයට පියවර ගන්නා බවයි තව දුරටත් පැවසූවේ .
ඖෂධ සැපයීම වෙනුවෙන් සැපයුම්කරුවන්ට රුපියල් බිලියන 30 ක හිඟ බිල්පත් ගෙවීමට අදාළ ප්‍රතිපාදන කඩිනමින් මුදා හැරිමට ද මුදල් අමාත්‍යාංශය පසුගියදා එකඟ වනු ලැබීය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
