තබ්රේස් අන්සාරි නැඟෙනහිර ජාර්කාන්ද් ප්‍රාන්තයේ සොරකම් කර හසු වූ බවට චොදනා ලැබ මෙලෙස වදහිංසාවට ලක්කර ඇත.
2019 වසරේදී 24 හැවිරිදි තබ්රේස් අන්සාරි නමු මුස්ලිම් තරුණයෙකු පැය 12ක් පුරා වධ හිංසාවට පමුණවා බලහත්කාරයෙන් හින්දු සටන්පාඨ කියවමින් මරා දැමූ හින්දූන් 10 දෙනෙකුට ඉන්දීය අධිකරණය විසින් දස වසරක සිර දඬුවම් නියම කර ඇති බව වාර්තා වේ.
තබ්රේස් අන්සාරි නැඟෙනහිර ජාර්කාන්ද් ප්‍රාන්තයේ සොරකම් කර හසු වූ බවට චොදනා ලැබ මෙලෙස වදහිංසාවට ලක්කර ඇති අතර, පොලිස් විසින් ඔහුව රෝහල් ගත කළමුත් ඔහු දින කිහිපයකින් අත්අඩංගුවේදීම මිය යන ලදි.
මේ සම්බන්ධයෙන් අන්සාරිගේ බිරිඳ ෂයිස්ටා පර්වීන් මාධ්‍ය වෙත සඳහන් කර තිබුණේ, උසාවි නියෝගයට තමා ගරුකරන මුත් වරදකරුවන්ට දඬුවම් දීර්ඝ කිරීම වෙනුවෙන් තමා ඉහළ උසාවියට අභියාචනයක් ඉදිරිපත් කරන බවයි.
කෙසේ නමුත්, ආගමික ප්‍රචණ්ඩත්වයට එරෙහිව කතා නොකිරීම සම්බන්ධයෙන් ඉන්දීය අගමැති නරේන්ද්‍ර සිං මෝදි විවේචනයට ලක්ව ඇති අතර අන්සාරීගේ ඝාතනය සම්බන්ධයෙන් තමා අතිශය වේදනාවට පත්වූ බව ඔහු ප්‍රකාශ කර තිබිණ.
සශිකලා මධුෂාණී_ (Outbound today )
