සටහන – රෂිකා හෙන්නායක
කොළඹ (LNW):පුද්ගලයින් 17 දෙනෙකුට මරු කැඳවමින් , බටහිර මෙක්සිකෝවේ මගී බස් රථයක් අධිවේගී මාර්ගයකින් මිටියාවතකට පෙරලීගොස් ඇති බව විදෙස් මාධ්‍ය පවසයි.
තවත් විසි දෙදෙනෙකු තුවාල ලබා ඇති බවයි තොරතුරු වාර්තා වන්නේ.
නයාරිට් ප්‍රාන්තයේ ආරක්ෂක සහ සිවිල් ආරක්ෂක ලේකම් Jorge Benito Rodriguez පවසා තිබෙන්නේ , අඩි 164ක් පමණ ගැඹුරු වූ මිටියවතකට බස් රථය පෙරළීයාමෙන් පසු බේරාගැනීම අතිශයින්ම දුෂ්කර බවයි.
මියගිය අය අතර වැඩිහිටියන් 14 දෙනෙකු සහ ළමුන් තිදෙනෙකු සිටින බව විදෙස් මාධ්‍ය පවසනවා. මගීන් 40 දෙනෙකු පමණ රැගෙන ටිජුවානා දෙසට ගමන් ගත් මෙම බස් රථය මාර්ගයෙන් ඉවතට යාමට හේතුව කුමක්ද යන්න පැහැදිලි නැති බවයි තව දුරටත් විදෙස් මාධ්‍ය වාර්තා කරන්නේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
