සටහන – රෂිකා හෙන්නායක
කොළඹ (LNW): ජාතික අධ්‍යාපන විද්‍යාපීඨ බඳවා ගැනීම් සඳහා නියමිත නව ශික්ෂණලාභීන් ලියාපදිංචි කිරීම ලබන 10 වැනිදා සිට ආරම්භ කරන ලෙස පීඨාධිපතිවරුන්ට දැනුම් දී තිබෙන බව අධ්‍යාපන අමාත්‍යාංශය පවසයි.
ඒ අනුව විද්‍යාපීඨවල පවත්නා අත්‍යවශ්‍ය යටිතල පහසුකම් ගැටලු විසඳා ගැනීමට ලෝක බැංකුවේ ‘GEM’ ව්‍යාපෘතිය සමඟ සාකච්ඡා කර හදිසි අලුත්වැඩියා හා නඩත්තු කටයුතු සඳහා ප්‍රතිපාදන ලබා ගැනීමට ද කටයුතු කර ඇති බවත්, විද්‍යාපීඨ කථිකාචාර්යවරුන්ගේ වැටුප් ප්‍රශ්න විසඳීම සඳහා අමාත්‍ය මණ්ඩල සංදේශයක් ද ඉදිරිපත් කර ඇත .
අධ්‍යාපන අමාත්‍යංශය පැවසුවේ, ඒ සම්බන්ධයෙන් කටයුතු කිරීම සඳහා අමාත්‍ය මණ්ඩල උපකමිටුවට එම යෝජනාව ඉදිරිපත් කර ඇති අතර 2024 වසරේ ජනවාරි මාසයේ සිට අදාළ වැටුප් ගැටලුව විසඳීමට ප්‍රතිපත්තිමය එකඟතාව ලබා ගැනීම සඳහා කටයුතු කර ඇති බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
