ඉන්ධන අර්බුදයට විසඳුමක් ලෙස පාපැදි භාවිතය ප්‍රචලිත කිරීම සඳහා විශේෂ වැඩපිළිවෙලක් ආරම්භ කරන බව පරිසර අමාත්‍ය මහින්ද අමරවීර මහතා පවසනවා. ඒ අනුව පාපැදි භාවිතා කර සේවයට පැමිණෙන රාජ්‍ය සේවකයන් අගය කිරීමේ වැඩසටහනක් ආරම්භ කරන බවයි අමරවීර මහතා අද පැවති කැබිනට් තීරණ දැනුම් දීමේ මාධ්‍ය හමුවට සහභාගිවෙමින් සඳහන් කළේ.
මේ වනවිටත් රාජ්‍ය නිළධාරීන් සැළකිය යුතු පිරිසක් සේවයට පැමිණීම සඳහා පාපැදි භාවිතා කරන බව පෙන්වා දෙන පරිසර ඇමතිවරයා පවසන්නේ එය ඇගයීමට ලක්විය යුතු බවයි.
ඇතැම් බටහිර රටවල පාපැදි භාවිතය අලුත් දෙයක් නොවන බවත්, එය ශ්‍රී ලංකාව තුළද ප්‍රචලිත කළ හැකි බවත් ඔහු සඳහන් කරනවා. ඉදිරියේදී මැති ඇමතිවරුන්ටද පාපැදි භාවිතා කිරීමට සිදුවිය හැකි බවද ඇමතිවරයා පවසයි.
UN
