සටහන – රෂිකා හෙන්නායක
කොළඹ (LNW): නව වසරේ පාසල් සංවර්ධන ගාස්තු 50% කින් පමණ ඉහළ දැමීමට සිදුවන බව , පාසල් ප්රධානින් ප්රකාශ කර ඇති බව වාර්තා වේ. ඒ, වාර විභාග ගාස්තු ඇතුළු වියදම් ඇතුළත් කිරීම හේතුවෙන් බව වැඩි දුරටත් ඔවුන් සඳහන් කර ඇත.
තවදුරටත් ඔවුන් සඳහන් කරන්නේ, වාර විභාග ප්රශ්නපත්ර සඳහා පළාත් සභාවලින් මුදල් වැය කිරීම් මේ වන විට සම්පූර්ණයෙන්ම නතර කර තිබෙන හෙයින්, එම මුදල් දෙමාපියන්ගෙන් අය කර ගැනීමට සිදුවන බවත් විදුලි ගාස්තු ඉහළ යාම නිසා පාසල්වලට දැරීමට සිදුවන අසීමිත මුදලද දෙමව්පියන් මත පැටවීම හැර වෙනත් විකල්පයක් නොමැති බවයි.
මීට අමතරව ඉන්ධන ද ඇතුළු ඉහළ ගොස් තිබෙන වියදම් අනුව පාසල්වල ක්රීඩා සහ වෙනත් විෂය බාහිර ක්රියාකාරකම් සඳහා සැලකිය යුතු අමතර මුදලක් වැය කිරීමට සිදුව තිබෙන බවත්, ඒ සියලු වියදම් ඇතුළත් කිරීමට සිදුව ඇත්තේ පාසල් සංවර්ධන සමිති ගාස්තුවට බවත් පාසල් ප්රධානීහු කියා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
