*
දේශීය පුවත් විස්තරය: සාරාංශය 12/04
- විදුලි බිල්පත් නොගෙවීම හේතුවෙන් මෙම වසරේ මේ දක්වා දිවයින පුරා නිවාස ලක්ෂ 8 කට ආසන්න පිරිසකගේ විදුලි සැපයුම විසන්ධි කර ඇති බව විදුලිබල මණ්ඩල ආරංචිමාර්ග පවසයි: තවත් නිවාස ලක්ෂ 12 කට පමණ “රතු නිවේදන” යවා ඇති බව ද සඳහන්: රට පුරා සමස්ත විදුලිය පරිභෝජනය කරන පුද්ගලයන් සංඛ්යාව ලක්ෂ 70ක් පමණ වේ.
- ගත වූ මාස 18 තුළ ආර්ථිකය අතින් ශ්රී ලංකාව “අතිශයින්ම හොඳින්” කටයුතු කර ඇති බව හිටපු මහ බැංකු අධිපති හා ගැලියන් හි රාජ් රාජරත්නම්ගේ සම-සභාපති ආචාර්ය ඉන්ද්රජිත් කුමාරස්වාමි පවසයි: කෙසේවෙතත්, පසුගිය වසර තුළ ආර්ථිකය 10% කින් හැකිලී ගිය බව පිළිගනියි: ආර්ථිකය 2021 දී පැවති තත්ත්වයට යළි පැමිණීමට වසර 3ක් වත් ගතවනු ඇති බව පවසයි: 2022 සැප්තැම්බර්වල 70% ක පැවති උද්ධමනය මේ වන විට 1.5% දක්වා අඩු කිරීම සම්බන්ධයෙන් මහ බැංකු අධිපති නන්දලාල් වීරසිංහට ප්රශංසා කරයි: 2022 අප්රේල්වල ශ්රී ලංකාව විසින් ස්වෛරී ණය පැහැර හැරීම වෙනුවෙන් දැඩිව පෙනී සිටි පුද්ගලයන් අතර කුමාරස්වාමි ද සිටින බව සිහිපත්කළ යුතුය.
- ශ්රී ලංකාවේ සංචාරක කර්මාන්තය ශක්තිමත් පුනර්ජීවනයක් පෙන්නුම් කර ඇති අතර, මිලියන 1.27 කට අධික සංචාරකයන්ගේ පැමිණීමත් සමඟ වසරේ මුල් මාස 11 තුළ ඉපැයීම් ඇ.ඩො. බිලියන 1.75 ඉක්මවා ඇති බව සංචාරක සංවර්ධන අධිකාරියේ සභාපති ප්රියන්ත ප්රනාන්දු පවසයි.
- ජනාධිපති රනිල් වික්රමසිංහ, ඩුබායි හි පැවති කොප්’28 (COP’28) සමුළුවේ දී බිල් ඇන්ඩ් මෙලින්ඩා ගේට්ස් ෆවුන්ඩේෂන් (Bill & Melinda Gates Foundation) හි සම-සභාපති බිල් ගේට්ස් හමුවෙයි: ශක්තිමත් හා දේශගුණය පිළිබඳ අවධානයෙන් පසුවන රටක් ගොඩනැඟීම සඳහා තම සංවිධානය ශ්රී ලංකාව වෙනුවෙන් කැපවෙන බව බිල් ගේට්ස් විසින් පැවසූ බව ජනාධිපති මාධ්ය අංශය පවසයි.
- දේශපාලඥයන් පොදු ප්රවාහන සේවය භාවිතා කරන නව දේශපාලන සංස්කෘතියක් බිහිකිරීමට ජාතික ජන බලවේගය කටයුතු කරන බව එම පක්ෂයේ නායක පා.ම. අනුර කුමාර දිසානායක පවසයි: තම පෞද්ගලික ආරක්ෂාව සඳහා ජනතා විමුක්ති පෙරමුණේ මන්ත්රීවරුන් කිසිවිටක පොලිස් නිලධාරීන් යොදාගෙන නැති බව ද පවසයි.
- පළමුවරට මෙරට අධිකරණ පද්ධතියට මුහුණත හඳුනා ගැනීමේ තාක්ෂණය (facial recognition identification technology) හඳුන්වා දීමට කටයුතු කරන බව, පා.ම. අමරකීර්ති අතුකෝරල සහ ඔහුගේ ආරක්ෂක නිලධාරියා ඝාතනය වීමට අදාළ නඩුව ත්රිපුද්ගල මහාධිකරණය හමුවේ කැඳවූ අවස්ථාවේ දී නීතිපතිවරයා පවසයි: අතුකෝරල සහ ඔහුගේ ආරක්ෂක නිලධාරියා ඝාතනයට ලක්වූයේ ඉකුත් වසරේ මැයි 09 වන දින “අරගලයට” එල්ල වූ මැර ප්රහාරය හමුවේ රට පුරා ඇතිවූ නොසන්සුන්තාවය සමඟ නිට්ටඹුවේ දී ය.
- පාරිභෝගික විශ්වාසය, 2023 අප්රේල් මස පැවති උපරිමයක සිට 2023 ඔක්තෝබර් වන විට දිගින් දිගටම කඩා වැටෙමින් තිබෙන බව සෞඛ්ය ප්රතිපත්ති සඳහා වූ ආයතනය (IHP) පවසයි: සියලු දර්ශක අශුභවාදී මට්ටම්වල පවතින බව ද පවසයි.
- කොළඹ වරායේ නැගෙනහිර බහාලුම් පර්යන්තය ඉදිකිරීම ලබන වසර මැද භාගයේදී අවසන් කිරීමට නියමිත බව වරාය අමාත්යංශය පවසයි: නව පර්යන්තය මීටර් 1,400 ක් දිගින් දිග වන අතර, මෙගා නෞකා 3 කට සැපත් වීමට ඉඩ සලසන බව ද පවසයි: මෙම ව්යාපෘතිය සඳහා ඇ.ඩා. මිලියන 585 ක මුදලක් ආයෝජනය කර තිබේ.
- 2023 පිරිමි එක්දින ලෝක කුසලානයේ දී ශ්රී ලංකා ක්රිකට් පිළේ ක්රියාකාරීත්වය බොහෝ සෙයින් බලාපොරොත්තු සුන්කරවන සුළු වූ බව ශ්රේෂ්ඨ හිටපු දඟපන්දු යවන ක්රීඩකයකුවන මුත්තයියා මුරලිදරන් පවසයි: මෙය තමා අපේක්ෂා නොකළ දෙයක් බව පවසයි: එම තරඟාවලියේ දී ශ්රී ලංකා පිළ තරඟ 7ක් ම පරාජයට පත්වූ අතර, තරඟ 2ක් පමණක් ජයග්රහණය කළේය.
- ඇන්ජෙලෝ මැතිව්ස් සහ වනිඳු හසරංග, දෙසැම්බර් 19 වන දින ඩුබායි හි දී පැවැත්වීමට නියමිත ඉන්දීය ප්රිමියර් ලීග් වෙන්දේසියේ ඉහළම ක්රීඩකයන් අතරට: ඉන්දියානු රුපියල් කෝටි 2 ක් වූ මූලික මිලකට තක්සේරුවන ලියාපදිංචි ක්රීඩකයන් 25 දෙනා අතර මැතිව්ස් සිටින අතර, හසරංග ඉන්දියානු රුපියල් කෝටි 1.5 ක මූලික මිලකට තක්සේරුවන ක්රීඩකයන් 20 දෙනා අතර වේ.