ASK

මෙරට සෞඛ්‍ය පද්ධතියට අත්‍යවශ්‍ය කෝටි 43ක ඖෂධ හා වෛද්‍ය උපකරණ තොගයක් කොරියානු රජයේ හා ජනතාවගේ සහයෝගයෙන් ඊයේ (17) සෞඛ්‍ය අමාත්‍යාංශය වෙත පරිත්‍යාග කර තිබුණි.

මැතිවරණ වියදම් නියාමන පනත් කෙටුම්පත පිළිබඳ සාකච්ජා කිරීමට විශේෂ පක්ෂ නායක රැස්වීමක් අද (18) පස්වරුවේ පැවැත්වෙන බව, කතානායකවරයා දැනුම් දී ඇත.

නිදහස් දින සැමරුමට රු. මිලියන 200ක් වෙන් කිරීමට සැලසුම් කරද්දී රජයේ විධායක ශ්‍රේණියේ නිලධාරීන්ගේ වැටුප් ගෙවීම දින කිහිපයක් ප්‍රමාද කිරීමට සිදුවන බවට ගෙන ඇති කැබිනට් තීරණය මැතිවරණය කල් දැමීමට ගත් තවත් කුමන්ත්‍රණයක් විය හැකි බව ලංකා ගුරු සංගමයේ ලේකම් ජෝශප් ස්ටාර්ලින් මහතා පවසයි.

ඉතිහාසයේ ප්‍රථම වරට රජයේ සේවකයින්ගේ මාසික වැටුප නියමිත දිනයට ගෙවීමට නොහැකි වී තිබෙන බවත් මාණ්ඩලික නොවන රජයේ සේවක වැටුප් නියමිත පරිදි ගෙවීමට සැලසුම් කර තිබුනද මාණ්ඩලික නිලධාරීන් ගේ වැටුප් ගෙවීම ප්‍රමාද වන බව ජනමාධ්‍ය හා ප්‍රවාහන මහාමාර්ග සහ කැබිනට් මාධ්‍ය ප්‍රකාශක බන්දුල ගුණවර්ධන මහතා අද (17) ප්‍රකාශ කළේය.

බිත්තර ආනයනය කිරීමට පෙර දේශීය බිත්තර නිෂ්පාදනය සම්බන්ධයෙන් සැබෑ තොරතුරු රටට හෙළිකරන ලෙස වෙළෙඳ අමාත්‍යවරයා ඇතුළු ආයතන නිලධාරීන්ගෙන් ඉල්ලා සිටින බව ආපන ශාලා හිමියන්ගේ සංගමයේ සභාපති අසේල සම්පත් මහතා පැවසුවේය.