ASK

වසර 74ක කාලයක් දේශපාලකයන් සමඟ එකතු වී රට විනාශ කිරීමට කටයුතු කළේ දූෂිත රාජ්‍ය නිලධාරීන් වන හෙයින් එම නිලධාරීන් එළවීමේ මෙහෙයුම ආරම්භ කර තිබෙන බව ආපන ශාලා හිමියන්ගේ සංගමයේ සභාපති අසේල සම්පත් මහතා පැවසුවේය.

ඕමාන මිනිස් ජාවාරමට සෘජුවම සම්බන්ධ බවට චෝදනා එල්ල වී තිබෙන අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන සිටින ඕමාන තානාපති කාර්යාලයේ තෙවන ලේකම් ලෙස කටයුතු කළ ඊ.කුෂාන් නැමැත්තා අධිකරණ වෛද්‍යවරයා වෙත යොමුකර තිබෙනවා.

ඕමානයේ තානාපති කාර්යාලයේ තෙවන ලේකම් ලෙස කටයුතු කළ ඊ.කුෂාන් නැමැත්තා ඇතුළු කණ්ඩායමක් විසින් සිදුකරන මිනිස් ජාවාරමක් සම්බන්ධයෙන් පසුගිය දිනවල තොරතුරු අනාවරණය කළ ඩුබායි සුද්දා නැමැත්තා අද (29) ත්‍රස්ත විමර්ශන ඒකකයට කැඳවා තිබුණි.

වැලි ජාවාරමකට සම්බන්ධ බවට තොරතුරු අනාවරණය වී තිබෙන භූ විද්‍යා සමීක්ෂණ හා පතල් කැණීම් කාර්යාංශයේ සභාපතිවරයාට සහ එහි අධ්‍යක්ෂ ජනරාල්වරයාට එරෙහිව පරිසර අමාත්‍යාංශය විසින් ගනු ලබන තීන්දුව සම්බන්ධයෙන් විමසීම සඳහා අද (28) පරිසරවේදී පූජ්‍ය පාහියංගල ආනන්ද සාගර ස්වාමීන් වහන්සේ ඇතුළු පිරිසක් අමාත්‍යාංශ ලේකම් විශේෂඥ වෛද්‍ය අනිල් ජාසිංහ මහතා සමඟ විශේෂ සකාච්ජාවක් පවත්වනු ලැබීය.

ඇතැම් ප්‍රදේශවල ලිට්‍රෝ ගෑස් අඩුවක් පවතින බව නිරීක්ෂණය වී තිබෙන නමුත් එළඹෙන 01 වැනිදා සිට සාමාන්‍ය පරිදි ගෑස් නිකුත් කිරීම සිදුවන බව ලිට්‍රෝ ගෑස් සමාගමේ සභාපති මුදිත පීරිස් මහතා අද (28) මාධ්‍ය වෙත ප්‍රකාශ කළේය.