UN

උදෑසන ආහාර වේල නොගෙන පාසල් පැමිණෙන සිසුන්ගේ ප්‍රමාණය ඉතා සීග්‍රයෙන් ඉහළ යමින් තිබෙන බව ශ්‍රී ලංකා වෘත්තීයවේදී විදුහල්පතිවරුන්ගේ සංගමය පවසනවා. රට මුහුණ දී සිටින දැවැන්ත ආර්ථික අර්බුදය හේතුවෙන් තම දරුවන්ට ප්‍රමාණවත් ආහාර වේලක් ලබාදීමට දෙමව්පියන්ට නොහැකි වී ඇති බවයි එම සංගමයේ සභාපති සුජීව විමලරත්න මහතා පෙන්වා දෙන්නේ.

නොරොච්චෝලේ තාප විදුලි බලාගාරයේ එක් අදියරක හදිසි දෝෂයක් හටගෙන තිබෙනවා. මේ නිසා ජාතික විදුලි පද්ධතියට මෙගාවොට් 270 ක් පමණ අහිමි වේ.

පවතින ආර්ථික අර්බුදය හේතුවෙන් අපහසුතාවයට පත් අඩු ආදායම්ලාභී පවුල් සඳහා අමතර දීමනාවක් ලබාදීමට කැබිනට් මණ්ඩලයේ අනුමැතිය හිමිව තිබෙනවා. මැයි මාසයේ සිට ජුලි මාසය දක්වා මෙම දීමනාව ලබාදෙන බවයි වාර්තා වන්නේ.

හෙට දිනයේදී පාර්ලිමේන්තුව යළි රැස්වීමට නියමිතය. ඊයේ දිනයේදී මාධ්‍ය වාර්තා කර තිබුණේ අග්‍රාමාත්‍ය මහින්ද රාජපක්ෂ මහතා හෙට විශේෂ ප්‍රකාශයක් සිදු කරමින් අගමැති ධුරයෙන් ඉල්ල අස්වීමට සූදානම්ව සිටින බවයි.

ඉතාලියේ මිලානෝ නගරයේ ශ්‍රී ලංකා කොන්සියුලර්වරයා ලෙස ප්‍රවීන සිනමා නළු බන්දු සමරසිංහ මහතාගේ නම යෝජනා වී ඇති බවට මාධ්‍ය වාර්තා පළ වී තිබෙනවා.