Tag: සමගි ජන බලවේගය

දැන් අවුරුදු දෙකක් රටේ ජනතාව දුක් විඳින බවත් ජනතාවට තවත් මේ දුක උහුලන්නට දෙන්නට බැරි බවත් ජනතාව මේ තත්ත්වයට පත් කළේ රාජපක්ෂ ආණ්ඩුව නිසා වහාම මේ දුර්දාන්ත ආණ්ඩුව ගෙදර යැවිය යුතු බවත් විපක්ෂ නායක සජිත් ප්‍රේමදාස මහතා පවසයි . තමන් මෙම දැවැන්ත විරෝධතාව ආරම්භ කළේ මේ දූෂිත දුර්දාන්ත රාජපක්ෂ ආණ්ඩුව ආණ්ඩුව ගෙදර යවන වැඩපිළිවෙළට බව ද ඒ මහතා කීය.

සමගි ජන බලවේගයේ මූලිකත්වයෙන් අද කොළඹදී පැවැත්වෙන විරෝධතාවය සඳහා සහභාගි වන ජනතාව මේ වනවිට කොළඹ නගරය වෙත පැමිණෙමින් සිටින බව එම පක්ෂයේ සංවිධායකයන් පවසනවා. මේ වනවිටත් බස්රථ 1500 කට වැඩි ප්‍රමාණයක් කොළඹ පැමිණ ඇති බවයි වාර්තා වන්නේ.

"රට විනාශයි - එන්න රැකගමු" මැයෙන් යුතුව සමගි ජන බලවේගය විසින් අද (15) කොළඹදී දැවැන්ත විරෝධතාවක් පැවැත්වීමට නියමිතව තිබේ.

මුදල් අමාත්‍ය බැසිල් රාජපක්ෂ මහතා විසින් විශ්වාසය කඩකිරීමක් සිදුකර ඇති බැවින් ඒ පිළීබඳව ඉදිරියේදී පියවරක් ගැනීමට කටයුතු කරන බව සමගි ජන බලවේගයේ පාර්ලිමේන්තු මන්ත්‍රී තිස්ස අත්තනායක මහතා පවසයි.

ශ්‍රී ලංකා රාමඤ්ඤ මහා නිකායෙන් විපක්ෂ නායක සජිත් ප්‍රේමදාස මහතා වෙත ඊයේ (11) දිනයේදී "ශාසන කීර්ති දේශාභිමානී ශ්‍රී ලංකා ජනරංජන" ගෞරව නාමය පිරිනමනු ලැබීය. ඒ නාරාහේන්පිට පිහිටි රාමඤ්ඤ මහා නිකායේ මූලස්ථානයේ දී ය.