Tag: සමඟි ජන බලවේගය

පළාත් පාලන මැතිවරණය කල්දැමීමට ආණ්ඩුව කුරුමානම් අල්ලමින් සිටින අතර අලුතෙන් දැන් කියමින් සිටින්නේ මුදල් නැතිකම සහ දෙසැම්බරයේ පොලිස් නිලධාරීන් විශාල ප්‍රමාණයක් විශ්‍රාම යාම හේතුවෙන් ආරක්ෂාව සැපයීමට නොහැකි බව වන බවත් ඒ අනුව ජනාධිපතිවරණය, මහමැතිවරණය සියල්ල කල්දමා රනිල් වික්‍රමසිංහ මහතා සදාකාලික ජනාධිපතිවරයා ;එස සිටීමට උත්සහ කරනු ඇති බව සමඟි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා පවසයි.

මහින්ද රාජපක්ෂගේ තේමා පාඨය වුණේ රාජ්‍ය දේපල විකිණීම නොවන බව වුවත් දැන් දෙපාර්ශවය එකතු වී රටේ දේපළ විකුණමින් සිටින අතර ජානාධිපති රනිල් වික්‍රමසිංහට අවශ්‍ය වන්නේ මේ රට වෙනත් රටක ප්‍රාන්තයක් කිරීම බව හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මිය පැවසුවාය.

මෙවර අයවැය වචන වලට පමණක් සීමා වූ අයවැයක් වන අතර අපනයන නැංවීමට කතා කරන ආණ්ඩුවම ඉතිහාසයේ වැඩිම බද්ද අපනයනකරුවන් මත පනවා තිබෙන බව සමඟි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා පවසයි.

අයවැය ආරම්භ වූ අවස්ථාවේ සිට විපක්ෂයෙන් ආණ්ඩුවට පිරිසක් එක්වන බව පවසමින් සිටියද ආණ්ඩුවෙන් පිරිසක් විපක්ෂයට එකතු වී සිටින බව සමඟි ජන බලවේගයේ පාර්ලිමේන්තු මන්ත්‍රී ජේ.සී.අලවතුවල මහතා පැවසුවේය.

වර්තමාන ආණ්ඩුවත් හරියට කොමඩු ගෙඩියක් වැනි යැයි හිටපු පාර්ලිමේන්තු මන්ත්‍රී විජිත් විජයමුණි සොයිසා මහතා පැවසුවේය.