Tag: SLPP

විදුලි අර්බුදය පිළිබඳ සොයා බැලීම සඳහා වහාම ජනාධිපති කොමිසමක් පත්කරන ලෙස බලකරමින් හෙට දින සිවිල් සංවිධාන වෘත්තීය සමිති නියෝජිතයින් ජනාධිපති ලේකම් කාර්යාලය වෙත යන බව මහජන අයිතීන් සුරැකීමේ පදනම අද (02) මාධ්‍ය හමුවක් පවත්වමින් පැවසුවේය.

2010 - 2014 කාලසීමාව තුළ අමාත්‍යවරයෙකු වශයෙන් කටයුතු කරමින් සිටියදී සිය නීත්‍යානුකූල ආදායම් ඉක්මවා රුපියල් හත්කෝටි පනස් ලක්ෂයකට ආසන්න වත්කම් සහ මුදල් අයථා ලෙස ඉපයීම සම්බන්ධයෙන් විමල් වීරවංශ මහතාට එරෙහිව ගොනුකර ඇති නඩුව ලබන ජුනි 17 වනදා දක්වා කල්තැබීමට අධිකරණය අද (02) නියෝග කළේය.

කොවිඩ් 19 වෛරසයට එරෙහි ප්‍රතිශක්තිකරණ වැඩසටහන යටතේ සයිනෝෆාම් එන්නත මෙරටට ගෙන්වීමේදී රු.කෝටි 320ක මුදල් වංචාවක් සිදුව ඇති බව සමඟි ජන බලවේගයේ පාර්ලිමේන්තු මන්ත්‍රී රාජිත සේනාරත්න මහතා අද (02) විපක්ෂ නායක කාර්යාලයේදී පැවති මාධ්‍ය හමුවේදී අනාවරණය කළේය.

යුධ සමයේදී උතුරු කොරියාවෙන් ආයුධ මිලදී ගත්තේයැයි මුදල් අමාත්‍ය බැසිල් රාජපක්ෂ මහතා දිවයින පුවත්පත සමග සම්මුඛ සාකච්ඡාවකදී කර ඇති ප්‍රකාශය මේ වනවිට ජාත්‍යන්තර මාධ්‍යවල ද අවධානයට ලක්ව තිබේ. උතුරු කොරියාව යනු න්‍යෂ්ටික අවි සම්බන්ධ හිතුවක්කාර ප්‍රතිපත්තිය හේතුවෙන් ලෝකයේ රටවලින් සම්බාධක පැනවීමට ලක්වූ රාජ්‍යයකි. එවන් රාජ්‍යයකින් අවි ආයුධ මිලදී ගැනීම යනු ශ්‍රී ලංකාව අත්සන් තබා ඇති ජාත්‍යන්තර ප්‍රඥප්ති කිහිපයක්ම කඩකිරීමක් වන අතර එවැන්නක් ශ්‍රී ලංකාවට රාජ්‍යතාන්රික මට්ටමේ ගැටලු ගණනාවක්ම උද්ගත කරන්නක් විය හැකිය. එමෙන්ම එය පුද්ගලිකව බැසිල් රාජපක්ෂ මහතාට බලපෑමට ද පුළුවන.

කම්කරු අමාත්‍යාංශයේ යටතේ ක්‍රියාත්මක වන කම්කරු ආරවුල් බේරුම්කරණය සදහා ක්‍රියාත්මක වන කම්කරු ආරවුල් බේරුම්කරුවන්ගේ ක්‍රියා පිළිවෙත පිළිබඳ අමාත්‍ය නිමල් සිරිපාල ද සිල්වා මහතා සිය අප්‍රසාදය පළ කර සිටියේය.