Tag: ජනතා උද්ඝෝෂණ

විටින් විට ඇදහැලෙන වර්ෂාවද නොතකා ගාලුමුවදොර පැවැත්වෙන විරෝධතාව තවදුරටත් ක්‍රියාත්මක වෙනවා.

අද (09) උදෑසන සිට ගාලුමුවදොර පිටියේදී ජනතා සහභාගීත්වයෙන් ආණ්ඩු විරෝධී උද්ඝෝෂණය ඇරඹුණු අතර එය අඛණ්ඩව පැය 48ක් ක්‍රියාත්මක වෙනවා.

ආණ්ඩුවට එරෙහිව මහපාරට බැස අරගල කරන ජනතාවට හතිවැටී අරගලයෙන් ඉවත් වනු ඇතැයි පාලකයන් සිතන්නේ නම් එය සිහිනයක් පමණක් බව ජනතා විමුක්ති පෙරමුණේ නායක, පාර්ලිමේන්තු මන්ත්‍රී අනුර කුමාර දිසානායක මහතා පවසනවා. ඉදිරියේදී උත්සව සමය එළඹුනද විරෝධතා අඛණ්වම ක්‍රියාත්මක වන බවයි ඔහු සඳහන් කරන්නේ.

මහාමාර්ග අමාත්‍ය ජොන්ස්ටන් ප්‍රනාන්දු මහතාගේ කුරුණෑගල පිහිටි කාර්යාලයක් උද්ඝෝෂකයින් කණ්ඩායමක් විසින් වටලා තිබේ.

ආණ්ඩුවේ සහ විපක්ෂයේ සිටින ප්‍රබුද්ධ පිරිස් එකතු වී නව දේශපාලන ප්‍රවාහයක් ගොඩ නැගිය යුතු වන බව පාර්ලිමේන්තු මන්ත්‍රී පූජ්‍ය අතුරලියේ රතන ස්වාමීන් වහන්සේ පැවසූහ.