Tag: ඩීසල් හිඟය

ඔටෝ ඩීසල් වල පවතින හිඟය හේතුවෙන් ආනයන අපනයන බහාලුම් රථ ධාවනය විශාල අර්බුදයකට මුහුණ දී සිටින බව සමස්ත ලංකා බහලුම් ප්‍රවාහන රථ හිමිකරුවන්ගේ ඒකාබද්ධ සංසදයේ සභාපති සනත් මංජුල මහතා පවසයි.

පෞද්ගලික මගී ප්‍රවාහන බස් රථ ධාවනය අද (01) පස්වරුව වනවිට සම්පූර්ණයෙන්ම අඩාල වනු ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසයි.

ඩීසල් අර්බුදය මේ වනවිට උඝ්ර වී ඇති බැවින් සඳුදා දිනය වනවිට සියලුම පෞද්ගලික බස් රථ ධාවනයෙන් ඉවත් කරගැනීමට සිදුවනු ඇති බව ලංකා පෞද්ගලික බස් රථ හිමියන්ගේ සංගමය පවසයි.

අද සහ හෙට (30-31) ඛනිජ තෙල් සංස්ථාවෙන් ඩීසල් නිකුත් කිරීමට නොහැකි බව ලංකා ඛනිජ තෙල් සංස්ථාව පවසනවා. මේ වනවිට සංස්ථාව සතු ඩීසල් තොග අවසන්ව ඇති බවයි එහි සභාපතිවරයා පවසන්නේ.

ඊයේ රාත්‍රියේදී ඉන්දියන් ඔයිල් සමාගමේ ඉන්ධන මිල නැවත වරක් ඉහළ යාමත් සමඟ මේ වන විට ඩීසල් ලීටරයක මිල රු. 93ක් දක්වා ඉහළ ගොස් තිබෙන හෙයින් පෞද්ගලික බස් කර්මාන්තය ආරක්ෂා කර ගැනීම සඳහා ඉතා ඉක්මණින් ලංකා ගමනා ගමන මණ්ඩලයේ ඩිපෝ හරහා ඩීසල් සහනාධාරයක් ලබා දෙන ලෙස රජයෙන් ඉල්ලා සිටින බව සමස්ත ලංකා පෞද්ගලික බස් හිමියන්ගේ සංගමයේ ප්‍රධාන ලේකම් අංජන ප්‍රියන්ජිත් මහතා පැවසුවේය.