ගුරු විදුහල්පති වැටුප් විෂමතාව විසඳීමේ පළමු අදියර පරිදි චක්‍රලේඛය නිකුත් වීම හේතුවෙන් ජනවාරි 22 දක්වා අත්හිටුවා තිබුණු වෘත්තීය ක්‍රියාමාර්ග අත්හැරීමට තීරණය කර තිබෙන නමුත් සමස්තය ජයග්‍රහණය කරන තෙක් අරගලය අත්නොහරින බව ගුරු විදුහල්පති ඒකාබද්ධ වෘත්තීය සමිති සන්ධානය අවධාරණය කළහ.
ඒ, අද (06) කොළඹදී පැවති මාධ්‍ය හමුවේදීය.
මෙහිදී අදහස් දැක්වූ සමස්ත ලංකා එක්සත් ගුරු සංගමයේ ලේකම් පූජ්‍ය යල්වල පඤ්ඤාසේකර ස්වාමීන් වහන්සේ පැවසුවේ ගුරු විදුහල්පති වෘත්තීය සමිති ඒකාබද්ධව ගෙන ගිය අරගලයට සෙසු රාජ්‍ය, අර්ධ රාජ්‍ය සහ පෞද්ගලික අංශයේ වෘත්තීය සමිති වලිනුත් ලැබුණු සහය මත මෙලෙස යාම ජයග්‍රහණයක් ලැබීමට හැකි වූ බවයි.
සිය අරගලය තවදුරටත් තීව්‍ර කිරීමට තීරණය කර තිබුණු මොහොතක අමාත්‍ය මණ්ඩල අනුකමිටුවේ නිර්දේශ මත අයවැයෙන් මුදල් වෙන් කර කැබිනට් මණ්ඩලයේ තීන්දුවක් හරහා වැටුප් විෂමතා ඉවත් කිරීමට මෙලෙස රජය මැදිහත් වී තිබෙන බවද උන්වහන්සේ සඳහන් කළහ.
ASK
