සටහන – නිශ්මං රණසිංහ
ජනවාරි 08 කොළඹ (LNW): ශ්‍රී ලංකා බැඩිමින්ටන් ප්‍රාදේශීය සංවර්ධන කමිටුවේ මඟ පෙන්වීම ලද ත්‍රිකුණාමලය බැඩ්මින්ටන් දිස්ත්‍රික් සංගමයේ ආශිර්වාදයෙන් ෆැමිලි ක්‍රීඩා සමාජය විසින් සංවිධානය කරන්නට යොදුණ අවුරුදු 13 න් පහළ අන්තර් ප්‍රාදේශීය සංවර්ධන කමිටු බැඩ්මින්ටන් සූරතාවලියේ බාලක සූරතාවය දිනා ගන්නට පොළොන්නරුව දිස්ත්‍රික්කයට හැකි විය.බාලිකා සූරිතාවය හිමි වුණේ යාපනය දිස්ත්‍රික්කයටය.
වව්නියාව, පොළොන්නරුව, මඩකළපුව, යාපනය, රත්නපුර,අම්පාර,අනුරාධපුරය සහ ත්‍රිකුණාමලය යන දිස්ත්‍රික්කයන්හී අවුරුදු 13 න් පහළ ප්‍රාදේශීය සංවර්ධන කමිටු නියෝජනය කරමින් මෙම තරගාවලියට පිරිමි අංශයෙන් ක්‍රීඩකයින් 80 ක් තරග වැදුණු අතර බාලිකා අංශයෙන් 60 ක් තරග වැදිණි.
ත්‍රිකුණාමලය මැක්හෙයිසර් ක්‍රීඩා සංකීරණයේ දී දින තුනක් පුරා පැවති මෙම තරගාවලියේ සමාප්ත සමාචාර අවස්ථාවට ජය සංඛේත ප්‍රදානය සඳහා ශ්‍රී ලංකා බැඩිමින්ටන් නියෝජනය කරමින් එහි ප්‍රාදේශීය සංවර්ධන කමිටු සභාපති රොෂාන් ගුණවර්ධන ඇතුළු ප්‍රාදේශීය සංවර්ධන කමිටු නිලධාරීන් සමඟ හිටපු අමාත්‍යවරියක වන ආරියවතී ගලප්පත්ති ද එක් ව සිටියහ.
