ජනාධිපතිවරණය සඳහා ශ්‍රී ලංකා පොදුජන පෙරමුණ අනිවාර්යයෙන්ම අපේක්ෂකයෙක් ඉදිරිපත් කරනු ඇති බව එම පක්ෂයේ නායක, හිටපු ජනාධිපති මහින්ද රාජපක්ෂ මහතා පවසයි.
ප්‍රශ්නය – රනිල් වික්‍රමසිංහ මහත්තයායි බැසිල් රාජපක්ෂ මහත්තයායි සාකච්ඡාවක් තිබ්බා, ඒක සාර්ථකද ?
“මට තාම බැසිල් හම්බුණෙ නෑ අහන්න”
ප්‍රශ්නය – ඔබතුමාගෙ මව් පක්ෂය වන ශ්‍රී ලංකා නිදහස් පක්ෂය දැන් ප්‍රශ්න රාශියකට ලක්වෙලා. ඔබතුමා ඒක මොන ආකාරයටද දකින්නෙ ?
“ඒක ඉක්මනින්ම විසඳාගනී කියලා මම විශ්වාස කරනවා”
ප්‍රශ්නය – සමගි ජන බලවේගය ඊයෙ සන්ධානගත වුණා. මේක ඔබතුමාලාට මොනවගේ අභියෝගයක් වෙයිද ?
“මොනවා වුණත් ප්‍රශ්නයක් නෑ අපට. සන්ධාන දහයක් ගැහුවත් අපට ප්‍රශ්නයක් නෑ”
ප්‍රශ්නය – දැන් රනිල් වික්‍රමසිංහ මහතා කියලා තියෙනවා ඔහු ජනාධිපතිවරණයට ඉදිරිපත් වෙන්න යන්නෙ කියලා. එතකොට ඔබතුමාලාගේ පක්ෂයෙන් කවුරුහරි ඉදිරිපත් වෙනවද ජනාධිපතිවරණයට ?
“අනිවාර්යයෙන් නේද ? අපි ඉදිරිපත් කරයි එක්කෙනෙක්. අපි තාම කැඳෙව්වෙ නෑ අපෙ ක්‍රියාකාරීන්. කැඳවලා ඒ ගැන තීන්දුවක් ගන්නවා”
ප්‍රශ්නය – ඒ වගේම නාමල් රාජපක්ෂ මහත්තයා ගැනත් කතාවෙනවා ?
“මම හිතනවා තව කල් තියෙනවා කියලා එයාට”
මහින්ද රාජපක්ෂ මහතා මේ බව පැවසුවේ ඊයේ (07) අනුරාධපුර ජය ශ්‍රී මහා බෝධිය වැඳපුදා ගැනීමෙන් අනතුරුව මාධ්‍ය වෙත අදහස් දක්වමිනි.
RN
