සටහන – රෂිකා හෙන්නායක
කොළඹ (LNW): පවතින තත්ත්වයන්ට හොඳම විසඳුම වන්නේ සජිත් ප්රේමදාස මහතා අග්රාමාත්යවරයා ලෙස පත්වීම බව සමගි ජන බලවේග පාර්ලිමේන්තු මන්ත්රී හිටපු අමාත්ය රාජිත සේනාරත්න මහතා ප්රකාශ කරයි.
වැඩිදුරටත් අදහස් දැක්වූ ඒ මහතා කියා සිටියේ ඉදිරි 25 වනදා ජනාධිපතිවරයා විසින් ජාතික ආණ්ඩුවක් සඳහා ඉදිරිපත් කරන බව කියන යෝජනාව නිවැරදි ආකාරයට නිවැරදි ගමනක් සඳහා ඉදිරිපත් කරන්නේ නම් තමන් තනිවම හෝ ඒ සමඟ සිට ගන්නා බවයි.
මේ මොහොතේ රට වෙනුවෙන් පක්ෂ දේශපාලනයෙන් තොරව ජනතා දේශපාලනයක් සඳහා යොමු විය යුතු බවත් සඳහන් කලේ රූපවාහිනී වැඩසටහනක් සමඟ පැවති සාකච්ඡාවකදීය.
