අප්‍රේල් 27, කොළඹ (LNW): අද අප්‍රේල් 27 දා පැවති ස්පාඤ්ඤයේ ලස් පල්මාස් ග්‍රදන් කැනරියා අන්තර් ජාතික චිත්‍රපට උළෙලේ සම්මාන ප්‍රදානයේ දී ප්‍රසන්න විතානගේ අධ්‍යකෂනය කළ ‘පැරඩයිස්’ ඉන්දු ලංකා නිෂ්පාදනය ප්‍රේක්ෂක ජූරි සම්මානය (Audience Jury Award) දිනාගැනීමට සමත්විය.
23 වැනි වරට පැවති ලස් පල්මාස් චිත්‍රපට උළෙලේදී මහාද්වීප පහම නියෝජනය කරන චිත්‍රපට ඇතුළත් විය. මීට පෙර ‘පැරඩයිස්’ චිත්‍රපටය කොරියාවේ පැවති බූසාන් අන්තර්ජාතික චිත්‍රපට උළෙලේදී හොඳම චිත්‍රපටයට හිමි කිම් ජෝසීක් සම්මානය දිනාගත් අතර ප්‍රංශයේ වේසුල් අන්තර්ජාතික ආසියානු චිත්‍රපට උළෙලේ දී යොවුන් ජූරියෙන් පිරිනැමෙන සම්මානය දිනා ගන්නා ලදී.
එයට අමතරව ආසියානු සිනමා ඇකඩමියේ ආසියානු සම්මාන උළෙලේදී පැරඩයිස් හොඳම චිත්‍රපටය ඇතුළු සම්මාන හතරකට නිර්දේශ විය.
තවත් විස්තර සඳහා; www.ipafilmfestival.com
ප්‍රසන්න විතානගේ
