නාගරික සංවර්ධන හා නිවාස අමාත්‍යාංශය යටතේ ඇති මෙතෙක් ප්‍රයෝජනයට නොගත් ඉඩම් කඩිනමින් වගා කටයුතු සඳහා යෙදවීමට තීරණය කර තිබේ.
ඒ අනුව එම අමාත්‍යාංශය සතු එවන් ඉඩම්වල ඒ ඒ ප්‍රදේශයට ආවේනික භෝග වගා කිරීම සඳහා අදාළ ප්‍රාදේශීය ලේකම්වරුන් සමග සාකච්ඡා කර පියවර ගන්නා ලෙසයි අමාත්‍ය ප්‍රසන්න රණතුංග මහතා දැනුම් දී ඇත්තේ.
එමෙන්ම ආයෝජන සඳහා ලබාදී ඇති නමුත් මෙතෙක් භාවිතා නොකළ ඉඩම් ද යළි පවරාගෙන මෙසේ වගා කටයුතු සඳහා යෙදවීමට තීරණය කර ඇති බව සඳහන්.
ඉදිරියේදී ඇති වියහැකි ආහාර අර්බුදයකට මුහුණ දීම සඳහා මෙම වැඩපිළිවෙල ක්‍රියාත්මක කරන බවයි නාගරික සංවර්ධන හා නිවාස අමාත්‍යාංශය නිවේදනය කරන්නේ.
RN
