සටහන – රෂිකා හෙන්නායක ජුනි 30 ලෝකය (අවුට්බවුන්ඩ් ටුඩේ):
උතුරු නයිජීරියාවේ බෝම්බ පිපිරීම්වලින් පුද්ගලයන් 18 දෙනෙකු මිය ගොස් තිබෙන බව වාර්තා වේ.
නයිජීරියාවේ ඊසානදිග බෝර්නෝ ප්‍රාන්තයේ පිපිරීම් මාලාවකින් මෙලෙස පුද්ගලයින් 18 දෙනෙකු මිය ගොස් තවත් 30 දෙනෙකු තුවාල ලබා ඇති බව බලධාරීන් පවසයි.
ප්‍රාන්ත හදිසි කළමනාකරණ ඒජන්සිය පැවසුවේ මරාගෙන මැරෙන බෝම්බකරුවන් ග්වෝසා නගරයේ විවාහ මංගල්‍යයකට, අවමංගල්‍යයකට හා රෝහලකට ප්‍රහාර එල්ල කළ බවයි. මිලියන දෙකකට අධික ජනතාවක් අවතැන් කළ 40,000කට වැඩි පිරිසක් ඝාතනය කළ බොකෝ හරාම් සටන්කාමීන්ගේ වසර 15ක කැරැල්ලේ කේන්ද්‍රස්ථානය වූයේ ද බෝර්නෝ ප්‍රාන්තයයි.
බොකෝ හරාම් සංවිධානය 2014 වසරේ දී බෝර්නෝ ප්‍රාන්තයේ චිබොක් නගරයේ පාසල් සිසුවියන් 270කට අධික පිරිසක් පැහැරගෙන යාමත් සමඟ ජාත්‍යන්තර වශයෙන් ප්‍රසිද්ධියට පත් වුණා.
බලධාරීන් පැවසුවේ මියගිය පිරිස් අතර, ළමයින්, වැඩිහිටියන් හා ගර්භනී කාන්තාවන් ද සිටින බවයි. මේ වන විට එරට හමුදාව රටපුරා ඇඳිරි නීතිය පනවා තිබෙන අතර, වෙතත් ප්‍රහාරවල වගකීම කිසිවකු මෙතෙක් භාරගෙන නොමැති බවද වාර්තා වේ.
