සටහන: සශිකලා මධුෂාණි
ජූලි මස 30: ලෝකය(අවුට්බවුන්ඩ් ටුඩේ): ඉදිරි සති කිහිපය තුළ චීනය නිෂ්පාදිත උරහිස මත රැගෙන යා හැකි (Shoulder-Fired) ගුවන් ආරක්ෂක මිසයිල දියත් කිරීමේ පද්ධති (MANPADS) 400ක් දක්වා ඇතුළත් පළමු තොගය ඉරානයට ලබාදීමට නියමිත බව Reuters වාර්තා කර තිබේ.
මෙම MANPADS වර්ගයේ පද්ධති පහත් උසින් පියාසර කරන හෙලිකොප්ටර්, ඩ්රෝන යානා සහ ප්රහාරක ගුවන් යානා ඉලක්ක කර ක්ෂණිකව භාවිත කළ හැකි කෙටි දුර ගුවන් ආරක්ෂක ආයුධ ලෙස සැලකේ.
විශ්ලේෂකයන් පෙන්වා දෙන්නේ මෙම පද්ධති ඉරානයේ කෙටි දුර ගුවන් ආරක්ෂක හැකියාව සැලකිය යුතු ලෙස ශක්තිමත් කළ හැකි බවයි. විශේෂයෙන්ම පහත් උසින් සිදුකරන ගුවන් ප්රහාර සහ ඩ්රෝන ප්රහාර මැඩපැවැත්වීම සඳහා මෙම පද්ධති වැදගත් කාර්යභාරයක් ඉටු කළ හැකි බව ඔවුන්ගේ අදහසයි.
කෙසේ වෙතත්, මෙම ගනුදෙනුව සම්බන්ධයෙන් චීන හෝ ඉරාන බලධාරීන් විසින් මෙතෙක් නිල ප්රකාශයක් නිකුත් කර නොමැති අතර, ඉරානය ද මේ සම්බන්ධයෙන් මෙතෙක් ප්රකාශයක් නිකුත් කර නොමැත.
