සටහන: සශිකලා මධුෂාණි
අගෝස්තු මස 11: ලෝකය(අවුට්බවුන්ඩ් ටුඩේ): දකුණු කොරියාව සහ ඇමරිකාව වාර්ෂික ඒකාබද්ධ හමුදා අභ්යාසයක් සඳහා සූදානම් වෙමින් සිටියදී, උතුරු කොරියාව නව බැලස්ටික් මිසයිලයක් නැගෙනහිර මුහුද දෙසට දියත් කර තිබේ.
දකුණු කොරියානු හමුදාව පවසන්නේ මිසයිලය වොන්සන් ප්රදේශයෙන් දියත් කර කිලෝමීටර් 700කට වැඩි දුරක් ගමන් කර ඇති බවයි.
සතියකට අඩු කාලයක් තුළ උතුරු කොරියාව සිදු කළ දෙවැනි මිසයිල අත්හදා බැලීම මෙය වන අතර, දකුණු කොරියාව සහ ඇමරිකාව අතර Ulchi Freedom Shield ඒකාබද්ධ හමුදා අභ්යාසය අගෝස්තු 17 වැනිදා ආරම්භ කිරීමට නියමිතය.
උතුරු කොරියාව මෙවැනි හමුදා අභ්යාස සිය රට ආක්රමණය කිරීමේ සූදානමක් ලෙස සලකන අතර, මිසයිල අත්හදා බැලීම කලාපයේ ආතතිය තවදුරටත් ඉහළ නංවා තිබේ.
