ආශිකා බ්‍රාහ්මණ
කොළඹ LNW:එක්සත් ජනපදය සහ ඊශ්‍රායලය ඉරානයට එරෙහිව යුද්ධය ආරම්භ වී මස හයකට වැඩි කාලයක් ගත වීමෙන් අනතුරුව ඉන්දියාවේ නවදිල්ලියේදී පැවැත්වෙන 18 වන වාර්ෂික බ්‍රික්ස් සමුළුවට ලෝක නායකයින් කණ්ඩායමක් එක්ව සිටියි.
ඉරාන ජනාධිපති මසූඩ් පෙසෙෂ්කියන් මෙන්ම රුසියන් ජනාධිපති ව්ලැදිමීර් පුටීන් දකුණු අප්‍රිකානු ජනාධිපති සිරිල් රම්පෝසා ඇතුළු ලෝක නායකයින් රැසක් ඊට සහභාගී වීමට ඉන්දියාව වෙත ගොස් ඇත.
පසුගිය මැයි මාසයේදී, ඉරානයට එරෙහි යුද්ධය ඒකාබද්ධව හෙළා දැකීමට බ්‍රික්ස් විදේශ අමාත්‍යවරුන්ගේ රැස්වීම අසාර්ථක වූ නමුත් මෙවර පැවැත්වෙන බ්‍රික්ස් සමුළුවේදී ඉරාන ජනාධිපති මසූඩ් පෙසෙෂ්කියන් යුද්ධය ගැන සාකච්ඡා කරනු ඇතැයි අපේක්ෂා කෙරේ.
නමුත් බ්‍රික්ස් සාමාජිකයින් වන ඉරානය සහ එක්සත් අරාබි එමීර් රාජ්‍යය අතර ගැටුම සහ යුද්ධයේ සන්දර්භය තුළ සෞදි අරාබිය සහ යේමනයේ ඉරානයට පක්ෂපාතී හූතිවරුන් අතර පවතින ගැටුම්, සාමාජික රටවලට ගැටුම පිළිබඳ පොදුබවකට ළඟාවීම දුෂ්කර කරනු ඇති බවයි විශ්ලේෂකයින් පෙන්වා දෙන්නේ.
ඒ අනුව මෙවර බ්‍රික්ස් කණ්ඩායම එම වෙනස්කම් ජය ගැනීම කෙසේ සිදුකරනු ඇත්ද යන්න සහ සමුළුවේ න්‍යාය පත්‍රය කෙසේ වේද යන්න අපේක්ෂාවක් ඇති කර තිබේ.
