ජනාධිපති රනිල් වික්‍රමසිංහ මහතා අද (06) අළුයම ඊජීප්තුව බලා පිටව ගොස් තිබේ.
ඒ, ඊජීප්තුවේ පැවැත්වෙන දේශගුණ විපර්යාස පිළිබඳ ලෝක සමුළුවට සහභාගී වීම සඳහා ය.
ඒ අනුව ජනාධිපතිවරයා අද අළුයම 02.50 ට කටුනායක බණ්ඩාරනායක ජාත්‍යන්තර ගුවන් තොටුපලෙන් ඩුබායි රාජ්‍යය බලා පිටව ගොස් ඇති අතර එහි සිට ඊජීප්තුව බලා යාමට නියමිතව ඇත.
මෙම සංචාරය අතරතුරදී ජනාධිපති රනිල් වික්‍රමසිංහ මහතා ඊජීප්තු ජනාධිපතිවරයා ඇතුළු රාජ්‍ය නායකයින් පිරිසක් හමුවී සාකච්ඡා පැවැත්වීමට ද නියමිත බව සඳහන්.
RN
